Қазақстан Тәуелсіздігіне 25 жыл

Mektepke deiingi uiymdardaǵy qaýipsizdik: Quryltaida rezonansty derekter jariialandy

Mektepke deiingi uiymdardaǵy qaýipsizdik: Quryltaida rezonansty derekter jariialandy
shutterstock

Quryltaidyń alǵashqy Úkimet saǵatynda depýtat Aijan Naimanbekova mektep jasyna deiingi balalarǵa qatysty zorlyq-zombylyq pen moralǵa jat áreketterdiń aldyn alý máselesin kóterdi. Depýtat bul baǵyttaǵy jumystar tek ádistemelik usynymdarmen shektelip qalmai, naqty tetikter men mindetti quraldardy talap etetinin atap ótti. Osyǵan orai, Oqý-aǵartý ministri Juldyz Súleimenova mańyzdy statistikalyq málimetterdi jariialap, atqarylyp jatqan jumystar týraly baiandady, dep habarlaidy ult.kz.

Ministrdiń bergen málimeti boiynsha, 2024–2026 jyldar aralyǵynda mektepke deiingi bilim berý uiymdarynda 42 rezonansty fakt tirkelgen.
Onyń ishinde 37 fakti jekemenshik balabaqshalarda oryn alǵan. Atalǵan zańbuzýshylyqtardyń 36-syn tikelei balabaqsha tárbieshileri jasaǵany anyqtaldy.

Juldyz Súleimenovanyń aitýynsha, oqý-aǵartý ministrligi memlekettik organdarmen birlesip, 2026 jyldyń maýsymynda vedomstvoaralyq is-qimyl algoritmi men mehanizmin bekitti. Búgingi tańda zańnamalyq deńgeide qatań jaýapkershilikter qarastyrylǵan:

"Ákimshilik quqyqbuzýshylyq kodeksiniń 127-babynyń 1-bóligine sáikes, balada dene jaraqaty nemese ózge de quqyqbuzýshylyq belgileri anyqtalyp, oǵan der kezinde reaktsiia bildirilmegen jaǵdaida jaýapkershilik qarastyrylǵan. Tárbieshiler balanyń denesinen jaraqat nemese kúdikti jaǵdai baiqasa, bul týraly dereý balabaqsha basshysyna, al basshylyq quqyq qorǵaý organdaryna habarlaýǵa mindetti. Osy talapty oryndamaǵany úshin qazirdiń ózinde 71-ge jýyq jeke tulǵaǵa aiyppul salyndy.

Sonymen qatar, 127-baptyń 3-bóligi balaǵa qatysty jaǵdailarǵa nemquraily qarap, máseleni qarastyrmaǵany úshin balabaqsha basshylaryna ákimshilik jaýapkershilik júkteidi. Qazirgi tańda bul bappen 135 balabaqsha basshysy jaýapqa tartyldy", - dedi Juldyz Dosbergenqyzy.
 

Ministrlik bul baǵyttaǵy jumystardy ári qarai kúsheite túsetinin málimdedi. Atap aitqanda, tárbieshilerdiń kásibi biliktiligi men psihologiialyq turǵydan daiarlyǵyn arttyrýǵa basymdyq berilmek. Balalardyń quqyǵyn qorǵaý jáne zorlyq-zombylyqtyń aldyn alý sharalary aldaǵy ýaqytta da qatań baqylaýda bolady.