Kókshetaý qalasynda 40 jastaǵy er adam 41 million teńgeden astam qarjyǵa alaiaqtyq jasady degen kúdikke ilindi. Politsiianyń málimetinshe, ol týystary men tanystaryna avtokólikterdi aýktsion arqyly arzan baǵaǵa alyp berýge ýáde bergenimen, mindettemelerin oryndamaǵan, dep jazady ult.kz.
Aqmola oblysy Politsiia departamentiniń habarlaýynsha, alaiaqtyq shemasy 2023 jyldan beri júzege asyrylǵan. Kúdikti avtokólikterdi Astanadaǵy aýktsionnan satyp alýdy usynyp, aldymen bastapqy jarnany tóleýdi, al qalǵan somany kólik qoldaryna tigennen keiin berýge bolatynyn aitqan.
Jábirlenýshilerdiń biri – Kókshetaý qalasynyń 38 jastaǵy turǵyny. Ol kúdiktige 11 million 559 myń teńge bergen. Jalpy, úsh jyl ishinde er adamnyń áreketinen bes adam zardap shegip, oǵan 41 million teńgeden astam qarajat tapsyrǵan.
Alaida satyp alýshylar ýáde etilgen avtokólikterge qol jetkize almaǵan. Aqshalary da qaitarylmaǵan. Al kúdikti ár joly túrli syltaý aityp, ýaqyt sozǵan.
Jábirlenýshiler politsiiaǵa aryzdanǵannan keiin kúdikti tergeýden boi tasalap, izdeý jariialanǵan. Qazirgi ýaqytta ol ustalyp, qamaýǵa alyndy. Sotqa deiingi tergep-tekserý amaldary jalǵasyp jatyr.
Politsiia ókilderi týystarmen nemese tanystarmen jasalatyn mámileler kezinde de usynystyń shynaiylyǵyn muqiiat tekserip, kelisimshart rásimdeýge jáne aqshany tek rastaityn qujattar bolǵan jaǵdaida ǵana berýge keńes beredi.
