Aqmola oblysynda 15 jańa sheteldik avtokólik tielgen eki avtovoz jol apatyna ushyrady. Oqiǵa Astana – Atbasar – Jaqsy tasjolynyń 131-shaqyrymynda bolǵan, dep habarlaidy ult.kz.
Aldyn ala málimet boiynsha, FAW markaly avtovozdardyń sheteldik júrgizýshileri Qorǵastan Reseige qarai baǵyt alǵan. Aýyr júk kólikteri 15 jańa avtokólik tasymaldap kele jatqan.
Politsiia departamentiniń habarlaýynsha, joldaǵy kóktaiǵaq saldarynan alǵashqy avtovozdyń júrgizýshisi kólik tizginine ie bola almai qalǵan. Sonyń saldarynan eki aýyr júk kóligi de joldan shyǵyp, jol jiegindegi shuńqyrǵa aýdarylǵan.
Jol-kólik oqiǵasy saldarynan zardap shekkender joq. Oqiǵaǵa bailanysty avtovoz júrgizýshisine qatysty ákimshilik hattama toltyryldy.
