Almaty qalasyndaǵy úsh týristik nysan álemdegi úzdik týristik baǵyttardyń halyqaralyq reitingine endi, dep habarlaidy ult.kz.
Olardyń qatarynda Kimasar shatqaly, Býtakovka shatqaly jáne Shymbulaq aspaly joly bar. Atalǵan nysandar 2026 jylǵy The Worldworthy 100 halyqaralyq reitinginen oryn aldy.
Reiting nátijesi boiynsha, Kimasar shatqaly álemdegi úzdik 100 jaiaý týristik baǵyttyń arasynda 56-orynǵa turaqtasa, Býtakovka shatqaly 79-orynǵa ie boldy. Al Shymbulaq aspaly joly úzdik aspaly joldar tiziminde 9-orynǵa jaiǵasty.
Aita keteiik, The Worldworthy 100 - álemdegi eń kórnekti týristik nysandar men baǵyttardy biriktiretin halyqaralyq reiting.
Almatynyń taýly aimaqtary jyl saiyn milliondaǵan týristi qabyldaidy. 2026 jyldyń qańtar-qazan ailary aralyǵynda Ile-Alataýy memlekettik ulttyq tabiǵi parkine 1,6 millionnan astam adam barǵan.
Esterińizge sala keteiik, buǵan deiin Sharyn shatqaly álemdegi úzdik 20 kanonnyń qataryna engendigin habarlaǵan edik
