14 qarashada Qazaqstannyń basym bóliginde jańbyr men qar jaýady. Ońtústikte jaýyn-shashynsyz aýa raiy kútiledi, dep habarlaidy ult.kz.
El aýmaǵynda tuman túsip, kóktaiǵaq bolady. Batysta, soltústik-batysta, soltústikte jáne ońtústik-shyǵysta jel kúsheiip, soltústikte jaiaý burqasyn soǵady.
Astanada kúndiz jańbyr men qar jaýyp, kóktaiǵaq bolady. Túnde aýa temperatýrasy −2…−4, kúndiz 0…+2 gradýs shamasynda saqtalady. Ońtústik-batystan soǵatyn jeldiń jyldamdyǵy sekýndyna 7–12 metrge jetedi.
Almatyda kóshpeli bultty, jaýyn-shashynsyz aýa raiy kútiledi. Túnde −3…−5 gradýs aiaz bolyp, kúndiz +5…+7 gradýsqa deiin jylynady. Soltústik-shyǵystan sekýndyna 3–8 metr jyldamdyqpen jel soǵady.
Shymkentte jaýyn-shashyn bolmaidy, túnde jáne tańerteń tuman túsedi. Aýa temperatýrasy túnde −1…+1, kúndiz +10…+12 gradýs bolady. Jeldiń jyldamdyǵy sekýndyna 2–7 metrdi quraidy.
Aqmola jáne Soltústik Qazaqstan oblystarynda qar, jańbyr men kóktaiǵaq kútiledi. Túnde 0…−5, kúndiz −2…+3 gradýs bolady. Jel sekýndyna 9–14 metr jyldamdyqpen soǵady. Almaty oblysynyń taýlarynda qar jaýyp, tuman túsedi, joldar taiǵaq bolady. Taýda túnde −11…−16, kúndiz −1…−6 gradýs aiaz kútiledi. Jeldiń ekpini kei jerlerde sekýndyna 15–20 metrge jetedi.
