17 sáýirde er adam men áiel qala shetindegi jylý magistrali qubyrlarynyń mańynda birge ishimdik ishken. Sot málimetinshe, otyrys kezinde áiel er adamnyń marqum anasyn balaǵattaǵannan keiin ekeýiniń arasynda janjal týyndaǵan, dep habarlaidy ult.kz Kriminalnyi Kazahstan telegram arnasyna silteme jasap.
Aldymen er adam áieldiń betinen judyryqpen uryp, keiin denesine birneshe ret aiaqpen tepken. Alǵan jaraqattarynan áiel oqiǵa ornynda kóz jumǵan.
Osydan keiin er adam úiine baryp, soliarka alyp kelgen. Ol marqumnyń kiimin sheship, denesine janarmai quiyp, qylmys izin jasyrý maqsatynda órtep jibergen.
Sot ony QR Qylmystyq kodeksiniń 99-babynyń 1-bóligi («Adam óltirý») boiynsha kináli dep tanyp, ortasha qaýipsizdik mekemesinde 10 jylǵa bas bostandyǵynan aiyrý jazasyn taǵaiyndady.
Sondai-aq sottalǵan azamattan jábirlenýshi taraptyń paidasyna 5,5 million teńgeden astam ótemaqy óndirildi.
