17 سەۋٸردە ەر ادام مەن ەيەل قالا شەتٸندەگٸ جىلۋ ماگيسترالٸ قۇبىرلارىنىڭ ماڭىندا بٸرگە ٸشٸمدٸك ٸشكەن. سوت مەلٸمەتٸنشە, وتىرىس كەزٸندە ەيەل ەر ادامنىڭ مارقۇم اناسىن بالاعاتتاعاننان كەيٸن ەكەۋٸنٸڭ اراسىندا جانجال تۋىنداعان, دەپ حابارلايدى ult.kz كريمينالنىي كازاحستان telegram ارناسىنا سٸلتەمە جاساپ.
الدىمەن ەر ادام ەيەلدٸڭ بەتٸنەن جۇدىرىقپەن ۇرىپ, كەيٸن دەنەسٸنە بٸرنەشە رەت اياقپەن تەپكەن. العان جاراقاتتارىنان ەيەل وقيعا ورنىندا كٶز جۇمعان.
وسىدان كەيٸن ەر ادام ٷيٸنە بارىپ, سولياركا الىپ كەلگەن. ول مارقۇمنىڭ كيٸمٸن شەشٸپ, دەنەسٸنە جانارماي قۇيىپ, قىلمىس ٸزٸن جاسىرۋ ماقساتىندا ٶرتەپ جٸبەرگەن.
سوت ونى قر قىلمىستىق كودەكسٸنٸڭ 99-بابىنىڭ 1-بٶلٸگٸ («ادام ٶلتٸرۋ») بويىنشا كٸنەلٸ دەپ تانىپ, ورتاشا قاۋٸپسٸزدٸك مەكەمەسٸندە 10 جىلعا باس بوستاندىعىنان ايىرۋ جازاسىن تاعايىندادى.
سونداي-اق سوتتالعان ازاماتتان جەبٸرلەنۋشٸ تاراپتىڭ پايداسىنا 5,5 ميلليون تەڭگەدەن استام ٶتەماقى ٶندٸرٸلدٸ.
