Ánshi Qairat Nurtastyń moinynan qushaqtaǵan boijetkenniń videosy áleýmettik jelide talqyǵa tústi, dep habarlaidy ult.kz.

Toi ústinde túsirilgen kadrǵa qatysty jeli qoldanýshylary túrli pikir bildirgen. Biri muny jaqyn adamnyń erkeligi dep qabyldasa, endi biri boijetkenniń kim ekenin suraǵan.

Belgili bolǵandai, videodaǵy arý – ánshiniń qaryndasy. Kópshiliktiń nazaryn aýdarǵan kórinis onyń aǵasyna erkelegen sáti eken.

Aita keteiik, Eldos Kolobok ulynyń tusaýkeser toiyn jasady. 

Qairat Nurtas kim? 
 

Qairat Nurtas — qazaq estradasynyń tanymal ánshisi, prodiýser ári akter. Tolyq aty-jóni — Qairat Nurtasuly Aidarbekov. 1989 jyly 25 aqpanda Túrkistan qalasynda dúniege kelgen. Ónerge bala kezinen qyzyǵyp, sahnaǵa erte shyqqan. Ánshilik jolynda anasy ári prodiýseri Gúlzira Aidarbekovanyń qoldaýy úlken ról atqarǵan.

Qairat Nurtas mahabbat, saǵynysh, otbasy men adam sezimin arqaý etken ánderimen tyńdarmanǵa tanyldy. Repertýarynda baiaý lirikalyq shyǵarmalar da, yrǵaqty ánder de bar. Ol jeke kontsertter ótkizip, elimizdiń túrli óńirinde óner kórsetip keledi. Ánderi toilarda, merekelik keshterde jii oryndalady. Ár jyldary otandyq ónerpazdarmen dýetter usynyp, beinebaiandar túsirgen.

Ánshi kino salasynda da baǵyn synaǵan. “Ókinish” jáne “Arman. Perishte uiyqtaǵanda” filmderinde basty rólderdi somdady. Jubaiy — aktrisa Juldyz Ábdikárimova. Erli-zaiypty tórt bala tárbielep otyr.