13 qarasha kúni saǵat 10:28 shamasynda Táýelsizdik dańǵylyndaǵy dámhanada gaz-aýa qospasy jaryldy, dep habarlaidy ult.kz Kriminalnyi Kazahstan telegram arnasyna silteme jasap.
Dámhana bes qabatty turǵyn úidiń birinshi qabatynda ornalasqan. Jarylystan keiin ǵimaratqa japsarlas salynǵan qurylys bóligi qirap, órt shyqqan. Sondai-aq turǵyn úidiń terezeleri zaqymdanǵan. Áleýmettik jelilerde ǵimarattan qoiý tútin kóterilgen sát túsirilgen kadrlar tarady.
Tótenshe jaǵdailar departamentiniń málimetinshe, órt saǵat 10:53-te tolyq sóndirilgen. Oqiǵa saldarynan eki adam zardap shegip, aýrýhanaǵa jetkizildi. Qaza tapqandar joq.
Oqiǵa ornyna TJD-nyń 45 qyzmetkeri men 10 tehnika jumyldyryldy.
Qazirgi ýaqytta oqiǵanyń sebepteri men mán-jaiy anyqtalyp jatyr.
