الماتى قالاسىنداعى ٷش تۋريستٸك نىسان ەلەمدەگٸ ٷزدٸك تۋريستٸك باعىتتاردىڭ حالىقارالىق رەيتينگٸنە ەندٸ, دەپ حابارلايدى ult.kz.
ولاردىڭ قاتارىندا كٸماسار شاتقالى, بۋتاكوۆكا شاتقالى جەنە شىمبۇلاق اسپالى جولى بار. اتالعان نىساندار 2026 جىلعى The Worldworthy 100 حالىقارالىق رەيتينگٸنەن ورىن الدى.
رەيتينگ نەتيجەسٸ بويىنشا, كٸماسار شاتقالى ەلەمدەگٸ ٷزدٸك 100 جاياۋ تۋريستٸك باعىتتىڭ اراسىندا 56-ورىنعا تۇراقتاسا, بۋتاكوۆكا شاتقالى 79-ورىنعا يە بولدى. ال شىمبۇلاق اسپالى جولى ٷزدٸك اسپالى جولدار تٸزٸمٸندە 9-ورىنعا جايعاستى.
ايتا كەتەيٸك, The Worldworthy 100 - ەلەمدەگٸ ەڭ كٶرنەكتٸ تۋريستٸك نىساندار مەن باعىتتاردى بٸرٸكتٸرەتٸن حالىقارالىق رەيتينگ.
الماتىنىڭ تاۋلى ايماقتارى جىل سايىن ميلليونداعان تۋريستٸ قابىلدايدى. 2026 جىلدىڭ قاڭتار-قازان ايلارى ارالىعىندا ٸلە-الاتاۋى مەملەكەتتٸك ۇلتتىق تابيعي پاركٸنە 1,6 ميلليوننان استام ادام بارعان.
ەستەرٸڭٸزگە سالا كەتەيٸك, بۇعان دەيٸن شارىن شاتقالى ەلەمدەگٸ ٷزدٸك 20 كانوننىڭ قاتارىنا ەنگەندٸگٸن حابارلاعان ەدٸك
