15 qarashada Qazaqstannyń basym bóliginde jańbyr men qar jaýyp, tuman túsedi, kóktaiǵaq bolyp, jel kúsheiedi. Eldiń ońtústiginde jaýyn-shashynsyz aýa raiy kútiledi, dep habarlaidy ult.kz.
Astanada túnde qar jaýyp, tuman túsedi, kóktaiǵaq bolady. Aýa temperatýrasy túnde −1…−3, kúndiz 0…+2 gradýs shamasynda saqtalady. Ońtústik-batystan sekýndyna 3–8 metr jyldamdyqpen jel soǵady.
Almatyda kúndiz jaýyn-shashyn, negizinen jańbyr kútiledi. Túnde aýa temperatýrasy −1…−3 gradýsqa deiin tómendep, kúndiz +5…+7 gradýsqa kóteriledi. Ońtústik-shyǵystan soǵatyn jeldiń jyldamdyǵy sekýndyna 3–8 metr, kúndiz ekpini 13 metrge jetedi.
Shymkentte kún ala bultty, jaýyn-shashynsyz bolady. Túnde jáne tańerteń tuman túsýi múmkin. Aýa temperatýrasy túnde +1…+3, kúndiz +11…+13 gradýs bolady. Soltústik-shyǵystan sekýndyna 8–13 metr jyldamdyqpen jel soǵady.
Batys óńirlerde qatty jańbyr kútiledi. Ózge aimaqtardyń basym bóliginde jańbyr men qar aralas jaýyn-shashyn boljanǵan. Túngi jáne tańǵy tuman joldaǵy kórinýdi nasharlatýy múmkin. Kóktaiǵaq kezinde júrgizýshilerge jyldamdyqty azaityp, araqashyqtyq saqtaǵan, al jaiaý júrginshilerge abai bolǵan jón.
