Aqtóbede ekinshi kýrs stýdenti internet-alaiaqtardyń arbaýyna túsip, oqý aqysyn tóleýge dep jinaǵan 10 mln teńgege jýyq qarajatynan aiyryldy. Qaskóiler oǵan bailanys operatory men bank qyzmetkeri bolyp habarlasqan, dep habarlaidy ult.kz.
Oqiǵa aldymen belgisiz adamnyń telefon soǵýynan bastalǵan. Ol ózin uialy bailanys operatorynyń qyzmetkeri retinde tanystyryp, SIM-kartanyń qyzmet etý merzimin uzartý qajet ekenin aitqan. Osy syltaýmen stýdenttiń senimine kirgen.
Arada biraz ýaqyt ótken soń qyzǵa ózin bank qyzmetkeri dep tanystyrǵan taǵy bir adam qońyraý shalǵan. Ol belgisiz bireýler stýdenttiń atyna nesie rásimdeýge áreket jasap jatqanyn aityp, aqshasyn saqtap qalý úshin depozittegi qarajatyn «qaýipsiz shotqa» aýdarýǵa keńes bergen.
Alaiaqtardyń sózine sengen stýdent depozittegi jinaǵyn sheship alyp, olar kórsetken esepshotqa 10 mln teńgege jýyq aqsha aýdarǵan. Qarajatty jibergennen keiin ǵana aldanǵanyn túsingen.
Politsiia azamattardy telefon arqyly habarlasqan belgisiz adamdarǵa jeke derekterin bermeýge jáne olardyń nusqaýymen aqsha aýdarmaýǵa shaqyrady. Quqyq qorǵaý organdary men bank qyzmetkerleri aqshany «qaýipsiz shotqa» aýdarýdy talap etpeitinin eskertedi.