اقتٶبەدە ەكٸنشٸ كۋرس ستۋدەنتٸ ينتەرنەت-الاياقتاردىڭ ارباۋىنا تٷسٸپ, وقۋ اقىسىن تٶلەۋگە دەپ جيناعان 10 ملن تەڭگەگە جۋىق قاراجاتىنان ايىرىلدى. قاسكٶيلەر وعان بايلانىس وپەراتورى مەن بانك قىزمەتكەرٸ بولىپ حابارلاسقان, دەپ حابارلايدى ult.kz.
وقيعا الدىمەن بەلگٸسٸز ادامنىڭ تەلەفون سوعۋىنان باستالعان. ول ٶزٸن ۇيالى بايلانىس وپەراتورىنىڭ قىزمەتكەرٸ رەتٸندە تانىستىرىپ, SIM-كارتانىڭ قىزمەت ەتۋ مەرزٸمٸن ۇزارتۋ قاجەت ەكەنٸن ايتقان. وسى سىلتاۋمەن ستۋدەنتتٸڭ سەنٸمٸنە كٸرگەن.
ارادا بٸراز ۋاقىت ٶتكەن سوڭ قىزعا ٶزٸن بانك قىزمەتكەرٸ دەپ تانىستىرعان تاعى بٸر ادام قوڭىراۋ شالعان. ول بەلگٸسٸز بٸرەۋلەر ستۋدەنتتٸڭ اتىنا نەسيە رەسٸمدەۋگە ەرەكەت جاساپ جاتقانىن ايتىپ, اقشاسىن ساقتاپ قالۋ ٷشٸن دەپوزيتتەگٸ قاراجاتىن «قاۋٸپسٸز شوتقا» اۋدارۋعا كەڭەس بەرگەن.
الاياقتاردىڭ سٶزٸنە سەنگەن ستۋدەنت دەپوزيتتەگٸ جيناعىن شەشٸپ الىپ, ولار كٶرسەتكەن ەسەپشوتقا 10 ملن تەڭگەگە جۋىق اقشا اۋدارعان. قاراجاتتى جٸبەرگەننەن كەيٸن عانا الدانعانىن تٷسٸنگەن.
پوليتسييا ازاماتتاردى تەلەفون ارقىلى حابارلاسقان بەلگٸسٸز ادامدارعا جەكە دەرەكتەرٸن بەرمەۋگە جەنە ولاردىڭ نۇسقاۋىمەن اقشا اۋدارماۋعا شاقىرادى. قۇقىق قورعاۋ ورگاندارى مەن بانك قىزمەتكەرلەرٸ اقشانى «قاۋٸپسٸز شوتقا» اۋدارۋدى تالاپ ەتپەيتٸنٸن ەسكەرتەدٸ.