استانادا مەملەكەتكە قايتارىلعان ٷش ەليتالىق پەتەر قايتا ساۋداعا شىعارىلدى. العاشقى ساۋدا-ساتتىقتا ساتىپ الۋشى تابىلماعاندىقتان, ولاردىڭ باعاسى 33 ميلليوننان 109 ميلليون تەڭگەگە دەيٸن تٶمەندەتٸلگەن, دەپ حابارلايدى ult.kz.
ەڭ قىمبات پەتەر Green Village تۇرعىن ٷي كەشەنٸندە ورنالاسقان. اۋدانى 231 شارشى مەتر بولاتىن باسپانا قىركٷيەكتە 214 ميلليون تەڭگەگە ۇسىنىلعانىمەن, ٶتپەي قالعان. ەندٸ ونىڭ باعاسى 149 ميلليون تەڭگەگە دەيٸن تٷسٸرٸلدٸ.
ال ەلوردانىڭ «پاريج ورامى» تۇرعىن ٷي كەشەنٸندەگٸ اۋدانى 309,5 شارشى مەتر ەكٸ دەڭگەيلٸ پەتەردٸڭ قۇنى 363 ميلليوننان 254 ميلليون تەڭگەگە ارزاندادى. بۇل – ٷش نىساننىڭ ٸشٸندەگٸ ەڭ ٷلكەن جەڭٸلدٸك.
سول كەشەندەگٸ اۋدانى 93 شارشى مەتر تاعى بٸر پەتەردٸڭ باعاسى 112 ميلليوننان 79 ميلليون تەڭگەگە تٶمەندەتٸلگەن.
وسىلايشا, ٷش پەتەردٸڭ جالپى قۇنى 207 ميلليون تەڭگەگە ارزانداپ وتىر. كەزەكتٸ ساۋدا-ساتتىق 25 قاراشا كٷنٸ ساعات 12:00-دە باعانى كٶتەرۋ ەدٸسٸمەن ٶتەدٸ.
جىلجىمايتىن مٷلٸكتەردٸ قايتارىلعان اكتيۆتەردٸ باسقارۋ كومپانيياسى (قابك) ساتىلىمعا شىعارعان. كومپانييانىڭ مەلٸمەتٸنشە, بۇل – زاڭسىز الىنعان قاراجاتقا ساتىپ الىنىپ, كەيٸن مەملەكەتكە قايتارىلعان باسپانالار. الايدا بۇرىنعى يەلەرٸنٸڭ ەسٸمدەرٸ زاڭ تالاپتارىنا سەيكەس جارييالانبايدى.
قابك ساۋدا-ساتتىق ٶتپەي قالعان جاعدايدا دا مٷلٸكتٸ ساتۋ جۇمىستارىن جالعاستىراتىنىن حابارلادى. ەگەر مەملەكەتتٸك ورگانداردان رەسمي سۇرانىس تٷسسە, پەتەرلەردٸ ولاردىڭ بالانسىنا بەرۋ مەسەلەسٸ قارالۋى مٷمكٸن.
ساتىلىمنان تٷسكەن قاراجات ارنايى مەملەكەتتٸك قورعا اۋدارىلىپ, ەلەۋمەتتٸك جەنە ەكونوميكالىق جوبالاردى قارجىلاندىرۋعا جۇمسالادى.