Қазақстан Тәуелсіздігіне 25 жыл

AQSh-ta aýrýhanalar men mektepterge shabýyl jasady degen kúdikpen Qazaqstan azamaty ustaldy

AQSh-ta aýrýhanalar men mektepterge shabýyl jasady degen kúdikpen Qazaqstan azamaty ustaldy
ashyq derekkóz

AQSh-ta aýrýhanalar men mektepterdiń aqparattyq júielerine kibershabýyl jasap, mekemelerden aqsha bopsalady degen kúdikpen Qazaqstan azamaty jaýapqa tartylýy múmkin. 43 jastaǵy Roman Hlynovskii Italiiadan AQSh-qa ekstraditsiialandy. Bul týraly AQSh Ádilet ministrligi málimdedi, dep habarlaidy ult.kz.

Resmi málimetke sáikes, Hlynovskii 2025 jyldyń jazynda AQSh biliginiń halyqaralyq orderi negizinde Italiiada ustalǵan.

Tergeý nusqasy boiynsha, ol 8-Digits Team dep atalatyn hakerlik toptyń quramynda bolǵan. Top músheleri amerikalyq aýrýhanalar men meditsinalyq uiymdardyń kompiýterlik júielerine zańsyz kirip, patsientterdiń qupiia derekterin urlaǵan. Keiin aqparatty jariialaimyz dep qorqytyp, mekemelerden aqsha talap etken.

AQSh Federaldyq tergeý biýrosynyń direktory Kesh Pateldiń málimdeýinshe, kúdikti men toptyń basqa músheleri aýrýhanalar men mektepterge birneshe ret shabýyl jasap, urlanǵan málimetterdi taratpaý úshin aqsha bopsalaǵan.

Toptyń talap etken tólemderiniń jalpy somasy 500 million dollardan asqan.

Qazirgi ýaqytta tergeý jalǵasyp jatyr.