Қарағанды облысында 10 жастағы баланы тоқ соқты, деп хабарлайды ult.kz.
Оқиға 1 маусым кешкі сағат 18:30 шамасында болған.
«Менің інім электр бағанасына шыққан. Ол жерде балалар үнемі ойнап жүреді екен, дәл ойын алаңынан небәрі 2 метр жерде ғана тұр», - дейді баланың әпкесі Анастасия Рабиза.
Бала ток соққанда құлап, көмекке ересектердің бірі келіп, бірден жасанды тыныс алу жаттығуын жасаған.
Туыстарының айтуынша, жеткіншектің жүрегі тоқтап қалған. Жедел жәрдем оқиға орнына 7 минутта жеткен.
Оқиға өткелі ол жерге ешбір маман келмеді, қоршалмады дейді зардап шеккен баланың туыстары.
Облыстық полиция департаменті аталған факті бойынша қылмыстық іс қозғаған.
