Танымал әнші Мейрамбек Беспаевтың жұбайы Мархабат Беспаева күйеуіне арнап жылы лебізін жазды, деп хабарлайды ult.kz.

Ол жазбасында жарының әр жетістігіне қуанатынын айтып, амандығын тіледі.

“Мен үшін сенің әрбір жетістігің — үлкен мақтаныш. Әрдайым аман болып, өнеріңмен халқыңды қуанта бер!” – деп жазды Мархабат Беспаева.

Әншінің жұбайы осы тілегі арқылы Мейрамбектің өнер жолындағы табысына деген қуанышы мен қолдауын білдірді.

Айта кетейік, Мейрамбек Беспаевтың жары абысындарына ризашылығын білдірді. 

Мейрамбек Беспаев кім? 

Мейрамбек Беспаев - танымал қазақ әншісі, термеші, «МузАРТ» тобының мүшесі, Қазақстанның еңбек сіңірген қайраткері. Ол 1976 жылы 7 қарашада Жамбыл облысында дүниеге келген. Өнерге бала кезінен араласып, «Бозторғай» әнімен көпшілікке танылған. Тыңдарманы оны содан бері «қазақтың Бозторғайы» деп те атайды.

2001 жылы Сәкен Майғазиев және Мақсат Базарбаевпен бірге «МузАРТ» тобын құрған.

Кейін Мақсаттың орнына Кенжебек Жанәбілов келді. Мейрамбек топ құрамында да, жеке орындаушы ретінде де халық әндері мен лирикалық шығармаларды шырқап, тыңдарман ықыласына бөленді.