Журналист әрі тележүргізуші Динара Сәтжан ұлы мен келінінің жеке үйге қоныстанғанын айтты. Тойдан кейін екі ай ата-анасымен бірге тұрған жас жұбайлар енді өз шаңырағында қонақ қабылдай бастаған, деп хабарлайды ult.kz.

Тележүргізуші отбасындағы жаңалықты әлеуметтік желідегі парақшасында бөлісті. Оның айтуынша, бірге тұрған уақытта келіні Айнура отбасының күнделікті тіршілігіне араласып, үйдегі қонақ күту дәстүрімен танысқан.

Енді жас жұбайлар бөлек қоныстанып, тұрмысын өздері ұйымдастыруға кіріскен. Айнура алғаш рет өз үйінде қонақ күтіп, дастарқан жайған. Динара Сәтжан мұны келінінің шаңырақ иесі ретіндегі алғашқы қадамы деп бағалаған.

Қонақ күту кезінде жас келінге журналистің анасы Ақмарал да көмектескен. Ал Айнураның анасы Тамара қызының жасауын әкелген.

Динара Сәтжан ұлы мен келінінің өмірінде жаңа кезең басталғанын атап өтті. Енді олардың өз шаңырағында қуаныштары мен жаңалықтары, жинайтын тәжірибесі болатынын жеткізді.

Айта кетейік, Жанболат Найзабеков Динара Сәтжанға ерекше өтініш айтты.

Динара Сәтжан кім?

Динара Сәтжан — қазақстандық журналист, тележүргізуші, кәсіпкер және блогер. Ол 1982 жылғы 21 қыркүйекте Жаңаарқада дүниеге келген. Көпшілікке жаңалықтар жүргізушісі және авторлық бағдарламалары арқылы танылған.

2006–2008 жылдары «Астана» телеарнасында жұмыс істеген. Кейін «Хабар» арнасында жаңалықтар жүргізген.

Телевизиямен қатар сән саласында кәсіп бастап, қазақстандық дизайнерлердің киімдерін ұсынатын дүкендер желісін дамытқан. Сондай-ақ «Dinara Satzhan» киім брендінің негізін қалаған.