Jýrnalist ári telejúrgizýshi Dinara Sátjan uly men kelininiń jeke úige qonystanǵanyn aitty. Toidan keiin eki ai ata-anasymen birge turǵan jas jubailar endi óz shańyraǵynda qonaq qabyldai bastaǵan, dep habarlaidy ult.kz.

Telejúrgizýshi otbasyndaǵy jańalyqty áleýmettik jelidegi paraqshasynda bólisti. Onyń aitýynsha, birge turǵan ýaqytta kelini Ainýra otbasynyń kúndelikti tirshiligine aralasyp, úidegi qonaq kútý dástúrimen tanysqan.

Endi jas jubailar bólek qonystanyp, turmysyn ózderi uiymdastyrýǵa kirisken. Ainýra alǵash ret óz úiinde qonaq kútip, dastarqan jaiǵan. Dinara Sátjan muny kelininiń shańyraq iesi retindegi alǵashqy qadamy dep baǵalaǵan.

Qonaq kútý kezinde jas kelinge jýrnalistiń anasy Aqmaral da kómektesken. Al Ainýranyń anasy Tamara qyzynyń jasaýyn ákelgen.

Dinara Sátjan uly men kelininiń ómirinde jańa kezeń bastalǵanyn atap ótti. Endi olardyń óz shańyraǵynda qýanyshtary men jańalyqtary, jinaityn tájiribesi bolatynyn jetkizdi.

Aita keteiik, Janbolat Naizabekov Dinara Sátjanǵa erekshe ótinish aitty.

Dinara Sátjan kim?

Dinara Sátjan — qazaqstandyq jýrnalist, telejúrgizýshi, kásipker jáne bloger. Ol 1982 jylǵy 21 qyrkúiekte Jańaarqada dúniege kelgen. Kópshilikke jańalyqtar júrgizýshisi jáne avtorlyq baǵdarlamalary arqyly tanylǵan.

2006–2008 jyldary «Astana» telearnasynda jumys istegen. Keiin «Habar» arnasynda jańalyqtar júrgizgen.

Televiziiamen qatar sán salasynda kásip bastap, qazaqstandyq dizainerlerdiń kiimderin usynatyn dúkender jelisin damytqan. Sondai-aq «Dinara Satzhan» kiim brendiniń negizin qalaǵan.