Oljas Abai Instagram paraqshasynda jubaiy jáne taǵy bir áielmen birge júrgen sátinen kadr jariialap, olarǵa jyly sóz arnady, dep habarlaidy ult.kz.

Jelige jariialanǵan kadrda onyń eki áielmen qatar serýendep kele jatqanyn kórýge bolady. Áielderdiń biri ony qoltyqtap alǵan.

Oljas Abai bul sátke ázil aralas jazba qosyp, olarǵa degen yqylasyn jetkizdi.

«Táteler meni jaqsy kóredi. Men ol kisilerdi jaqsy kóremin», – dep jazdy ol.

Aita keteiik, Oljas Abai kórermenge ýáde berdi. 

Oljas Abai kim?

Oljas Abai — qazaqstandyq akter ári ánshi. Ol Eskeldi aýdanyndaǵy Nurmolda Aldabergenov aýylynda dúniege kelgen. Óner iesi suhbatynda týǵan jeri men shyǵarmashylyq joly týraly aityp, akterlikti basqa mamandyqqa aiyrbastai almaitynyn jetkizgen.

Temirbek Júrgenov atyndaǵy Qazaq ulttyq óner akademiiasyn «Drama teatry jáne kino akteri» mamandyǵy boiynsha támamdaǵan. Kópshilikke «Ochooou» nemese «Ochoý» sahnalyq esimimen de tanys. Akterlikpen qatar ánshilikpen ainalysyp, mýzykalyq týyndylaryn jaryqqa shyǵarǵan.

Oljas Abai kórermenge «Qara shańyraq» telehikaiasyndaǵy róli arqyly tanylǵan. Keiin «Báseke», «Áýlet» sekildi otandyq jobalarǵa qatysqan. Kinoǵa túsýmen qatar, ánderi men beinebaiandaryn da kópshilikke usynǵan.

Óner iesiniń aitýynsha, shyǵarmashylyq barysynda keide stsenarii jazyp, rejisserlik jáne operatorlyq mindetterdi de ózi atqarady. Máselen, «Samsa» ánin alǵashynda dostarynyń arasynda ázil retinde oryndaý úshin shyǵarǵanyn aitqan.