Бішкек қаласының тұрғыны 8 жасар қызына қатысты зорлауға әрекет ету фактісі бойынша қозғалған қылмыстық істің бір айға жуық уақыт өтсе де тиісті деңгейде тергелмей жатқанын айтты, деп хабарлайды ult.kz.
Әйелдің сөзінше, оқиға 2026 жылдың 5 шілдесінде елорданың Первомай ауданындағы өзі әкімші болып жұмыс істейтін қонақ үйлердің бірінде болған. Сол күні ол бөлмелерді жинап жүргенде, қызы қызметкерлерге арналған бөлмеде болған.
Анасының айтуынша, белгісіз ер адам бөлмеге кіріп, киімін шешіп, мүшеқап киіп, 8 жасар қызға қатысты жыныстық сипаттағы әрекет жасауға тырысқан.
Әйел күдіктінің әрекетін естіп қалып, бөлмеге жүгіріп кіргенін, ер адамның әрекетіне тосқауыл қойып, оны қуып шыққанын айтты. Осыдан кейін бірден полиция қызметкерлерін шақырған. Оның сөзінше, сол күні құқық қорғау органдарына ресми түрде арыз берілген. Алайда 5 шілдеден бері іс бойынша маңызды тергеу әрекеттері жүргізілмеген, ал күдікті әлі күнге дейін ұсталып, қылмыстық жауапкершілікке тартылмаған.
Қыздың анасы құзырлы органдардан бұл қылмыстық істің тергелуіне ерекше назар аударуды, күдіктінің әрекетіне құқықтық баға беруді және өзінің тергеудің жеткіліксіз жүргізіліп жатқаны туралы уәждерін тексеруді сұрады.
