Bishkek qalasynyń turǵyny 8 jasar qyzyna qatysty zorlaýǵa áreket etý faktisi boiynsha qozǵalǵan qylmystyq istiń bir aiǵa jýyq ýaqyt ótse de tiisti deńgeide tergelmei jatqanyn aitty, dep habarlaidy ult.kz.
Áieldiń sózinshe, oqiǵa 2026 jyldyń 5 shildesinde elordanyń Pervomai aýdanyndaǵy ózi ákimshi bolyp jumys isteitin qonaq úilerdiń birinde bolǵan. Sol kúni ol bólmelerdi jinap júrgende, qyzy qyzmetkerlerge arnalǵan bólmede bolǵan.
Anasynyń aitýynsha, belgisiz er adam bólmege kirip, kiimin sheship, músheqap kiip, 8 jasar qyzǵa qatysty jynystyq sipattaǵy áreket jasaýǵa tyrysqan.
Áiel kúdiktiniń áreketin estip qalyp, bólmege júgirip kirgenin, er adamnyń áreketine tosqaýyl qoiyp, ony qýyp shyqqanyn aitty. Osydan keiin birden politsiia qyzmetkerlerin shaqyrǵan. Onyń sózinshe, sol kúni quqyq qorǵaý organdaryna resmi túrde aryz berilgen. Alaida 5 shildeden beri is boiynsha mańyzdy tergeý áreketteri júrgizilmegen, al kúdikti áli kúnge deiin ustalyp, qylmystyq jaýapkershilikke tartylmaǵan.
Qyzdyń anasy quzyrly organdardan bul qylmystyq istiń tergelýine erekshe nazar aýdarýdy, kúdiktiniń áreketine quqyqtyq baǵa berýdi jáne óziniń tergeýdiń jetkiliksiz júrgizilip jatqany týraly ýájderin tekserýdi surady.
