Марқұм заңгер Ғабит Өмірбектің әкесі ұлының елге жасаған жақсылығын еске алып, көпшілікті жақындарының қадірін тірісінде білуге шақырды, деп хабарлайды ult.kz.
Ол небәрі 35 жасында өмірден өткен баласының артында талай игі іс қалғанын жазды. Ұлына алғыс айтып, құрмет көрсеткен адамдарды көргенде, оның қаншама жанға көмектескенін тереңірек түсінгенін жеткізді.
Әкесінің айтуынша, ол баласын жақсы білемін деп ойлаған. Алайда Ғабиттің көпшілікке жасаған жақсылығының ауқымын көзі тірісінде толық аңғармаған. Енді елдің ықыласын көрген сайын жүрегін мақтанышпен бірге өкініш те кернейтінін жасырмады.
Марқұмның әкесі қасында жүрген жақсы адамдарға жылы сөзді аямауға үндеді. Адамның еңбегін елеп, жақсылығын бағалауды кейінге қалдырмай, құрметті көзі тірісінде көрсету керек екенін айтты.
Айта кетейік, Ғабит Өмірбектің әкесі ұлы туралы жазба жариялады.
Ғабит Өмірбек кім?
Ғабит Өмірбек — азаматтардың құқығын қорғауымен танылған қазақстандық заңгер әрі адвокат. Ол “Lawyer 888” халықаралық заңгерлік компаниясының бас директоры болған. Қоғам назарын аударған істерге қатысып, соның ішінде Отардағы әскери бөлімде әлімжеттік көрген сарбаз Есбол Қапардың мүддесін қорғаған.
Заңгер бұқаралық ақпарат құралдары мен әлеуметтік желілерде құқықтық мәселелерді түсіндіріп, көмекке мұқтаж азаматтарға тегін қолдау көрсеткен.
Оның қайтыс болғаны 2026 жылғы 24 қазанда хабарланды. Әкесінің жазбасына сәйкес, ол 35 жасында өмірден өткен.
