Marqum zańger Ǵabit Ómirbektiń ákesi ulynyń elge jasaǵan jaqsylyǵyn eske alyp, kópshilikti jaqyndarynyń qadirin tirisinde bilýge shaqyrdy, dep habarlaidy ult.kz.
Ol nebári 35 jasynda ómirden ótken balasynyń artynda talai igi is qalǵanyn jazdy. Ulyna alǵys aityp, qurmet kórsetken adamdardy kórgende, onyń qanshama janǵa kómekteskenin tereńirek túsingenin jetkizdi.
Ákesiniń aitýynsha, ol balasyn jaqsy bilemin dep oilaǵan. Alaida Ǵabittiń kópshilikke jasaǵan jaqsylyǵynyń aýqymyn kózi tirisinde tolyq ańǵarmaǵan. Endi eldiń yqylasyn kórgen saiyn júregin maqtanyshpen birge ókinish te kerneitinin jasyrmady.
Marqumnyń ákesi qasynda júrgen jaqsy adamdarǵa jyly sózdi aiamaýǵa úndedi. Adamnyń eńbegin elep, jaqsylyǵyn baǵalaýdy keiinge qaldyrmai, qurmetti kózi tirisinde kórsetý kerek ekenin aitty.
Aita keteiik, Ǵabit Ómirbektiń ákesi uly týraly jazba jariialady.
Ǵabit Ómirbek kim?
Ǵabit Ómirbek — azamattardyń quqyǵyn qorǵaýymen tanylǵan qazaqstandyq zańger ári advokat. Ol “Lawyer 888” halyqaralyq zańgerlik kompaniiasynyń bas direktory bolǵan. Qoǵam nazaryn aýdarǵan isterge qatysyp, sonyń ishinde Otardaǵy áskeri bólimde álimjettik kórgen sarbaz Esbol Qapardyń múddesin qorǵaǵan.
Zańger buqaralyq aqparat quraldary men áleýmettik jelilerde quqyqtyq máselelerdi túsindirip, kómekke muqtaj azamattarǵa tegin qoldaý kórsetken.
Onyń qaitys bolǵany 2026 jylǵy 24 qazanda habarlandy. Ákesiniń jazbasyna sáikes, ol 35 jasynda ómirden ótken.
