Aitysker aqyn Muhtar Niiazov jazasyn ótep jatqan azamattarmen kezdesip, alǵan áserin áleýmettik jelidegi paraqshasynda bólisti, dep habarlaidy ult.kz.

Aqyn temir tordyń ar jaǵyndaǵy adamdardy birjaqty baǵalaýdan aýlaq bolýǵa shaqyrdy. Ol qatelesken jannyń túzelip, ómirin qaita bastaýyna múmkindik berý qajet ekenin aitty.

“Bostandyqta júrgen adamnyń bári áýlie bolmaǵany siiaqty temir tordyń arǵy jaǵynda da tek jaman adamdar otyrǵan joq. Muqaǵali aitpaqshy “súrinip ketip, búlinip júrgen taǵdyrlar”. Qabirden basqa jerdiń bárinen shyǵatyn jol bar ǵoi, ár atqan tańmen birge jańa ómir bastalady”, – dep jazdy Niiazov.

Kezdesý kezinde aqyn jinalǵandardyń kóbi tolqyp, kózine jas alǵanyn baiqaǵan. Jazasyn óteýshiler mundai rýhani júzdesýlerdi jiirek uiymdastyrýdy surapty.

Aita keteiik, Qairat Nurtas beitanys qyzben kózge tústi. 

Muhtar Niiazov kim? 
 

Muhtar Niiazov — belgili aitysker aqyn, respýblikalyq jáne halyqaralyq aitystardyń jeńimpazy. Tolyq aty-jóni — Muhtar Máýlenuly Niiazov. 1985 jyly 4 qarashada Qyzylorda oblysynyń Jalaǵash aýdanynda dúniege kelgen. Alǵash jazba poeziiaǵa den qoiyp, keiin oqýshylar aitysyna qatysý arqyly sýyrypsalma ónerge qadam basqan.

Ol — “Altyn dombyra” aitysynyń úsh dúrkin jeńimpazy. Qorqyt Ata atyndaǵy Qyzylorda memlekettik ýniversitetinde bilim alyp, keiin Eýraziia ulttyq ýniversitetinde magistratýrany támamdaǵan.

Aityspen qatar mádeniet salasynda eńbek etip, telearnada redaktor, mádeniet mekemelerinde basshylyq qyzmetter atqarǵan.