Belgili jýrnalist ári bloger Móldir Anarbaeva Astanadaǵy kópqabatty úilerdiń birinen qomaqty aqsha shashylǵan oqiǵaǵa ún qatyp, bailyq pen aqshaǵa qunyǵý týraly pikirin bildirdi, dep habarlaidy ult.kz.
Jýrnalist áleýmettik jelidegi jazbasynda jurtty ózgeniń qaltasyna kóz tikpeýge shaqyrdy. Onyń sózinshe, aqsha adamnyń berekesin qashyryp, tynyshtyǵyn buzýy múmkin. Ásirese onyń qaidan kelgeni kúmándi bolsa, arty jaqsylyqqa aparmaidy.
"Baidyń malyn baiqus qyzǵanypty bolmasyn, tynysh otyraiyq, eger óziniki bolsa. Kinoń jolda qaldy. Halyq qudaidyń bir aty, aqshanyń býy ońdyrmaidy, ásirese urlyq bolsa. Kóp aqshań bolsa da bále, uiqy joq, terezeden laqtyrasyń", – dep jazdy ol.
Móldir Anarbaeva otbasyndaǵy qarjy máselesine de toqtaldy. Ol áielderdiń kúieýinen ózgelermen básekelesip, qalaida kóp aqsha tabýdy talap etýin quptamaitynyn jetkizdi.
"Ótkende ǵana aityp edim, "Kóp aqsha ákelse baiyńnan sura, aityp otyr jónińmen júr!" dep. Biraq baidyń qatyny meni tyńdai ma?! Typ-tynysh tapqan aqshańyzǵa riza bolyp, ýaiymsyz uiqyńyzdy qanaǵat qylyńyz! Baiyńyzǵa bireýdi úlgi qylyp, qalaida kóp aqsha tap! – degendi qoiyńyz! Qiyn…", – dedi bloger.
Jýrnalistiń jazbasy jeli qoldanýshylarynyń da nazaryn aýdardy. Kópshilik Astanadaǵy oqiǵany qyzý talqylap, ázil aralas pikirlerin jaýdyrǵan.
"Osyndai kezde Astananyń jeli de bolmady ǵoi", "Aspannan dollar jaýǵan kúndi de kórdik", – dep jazdy jeli qoldanýshylary.
Aita keteiik, buǵan deiin elordadaǵy turǵyn úilerdiń birinde terezeden dollar shashylǵany týraly aqparat taraǵan edi. Erekshe oqiǵa áleýmettik jelide qyzý talqyǵa tústi.
Móldir Anarbaeva kim?
Móldir Nurlanqyzy Anarbaeva – qazaqstandyq jýrnalist, telejúrgizýshi ári tanymal bloger. Ol 1985 jyly Jambyl oblysynyń Shý aýdanynda dúniege kelgen. Ál-Farabi atyndaǵy Qazaq ulttyq ýniversitetiniń jýrnalistika fakýltetin támamdaǵan.
2008 jyldan bastap "JAMBYL" telearnasynda qyzmet atqaryp, "Siz ne deisiz?" tok-shoýy men "Ol jáne ómir" baǵdarlamasyn júrgizgen. Keiin áleýmettik jelide otbasylyq ómir, bala tárbiesi jáne qoǵamdaǵy ózekti máseleler týraly ázil aralas beinerolikterimen tanyldy. Jýrnalist qaiyrymdylyq sharalaryna da atsalysyp, muqtaj otbasylarǵa qarjy jinaýǵa kómektesken.
