Qazaqstan Respýblikasynyń Konstitýtsiialyq Soty tárbie berý fýnktsiialaryn atqaratyn jumyskerdi «moralǵa jat qylyq» jasaǵany úshin jumystan bosatýǵa múmkindik beretin Eńbek kodeksiniń normasyn Konstitýtsiiaǵa sáikestigi turǵysynan qarady, dep habarlaidy ult.kz.
Iske mektepte pedagogikalyq ádep jónindegi keńestiń sheshimi negizinde jumystan bosatylǵan azamattyń ótinishi sebep bolǵan. Ol qabyldanǵan sheshimmen kelispei, aldymen kelisý komissiiasyna, keiin sottarǵa júgingen. Alaida is boiynsha shyǵarylǵan sot aktileri ózgerissiz qaldyrylǵan.
Ótinish berýshi Eńbek kodeksiniń 52-baby 1-tarmaǵynyń 14) tarmaqshasynda kózdelgen «moralǵa jat qylyq» uǵymynyń naqty quqyqtyq belgileri men obektivti ólshemsharttary joq dep esepteidi. Onyń pikirinshe, bul normany ártúrli túsindirýge jáne keńinen qoldanýǵa múmkindik beredi. Sonyń saldarynan eńbek etý jáne sot arqyly qorǵalý quqyqtary buzylýy múmkin.
Konstitýtsiialyq Sot óz túsindirmesinde zańnamada adamgershilik qaǵidattaryna qatysty normativtik talaptar belgilengenin atap ótti. Atap aitqanda, pedagogikalyq ádepke qoiylatyn arnaiy talaptar men olardy buzǵany úshin jaýaptylyq kózdelgen.
Sottyń pikirinshe, «moralǵa jat qylyq» – baǵalaý sipatyndaǵy quqyqtyq uǵym. Sondyqtan onyń mazmunyn barlyq yqtimal áreketterdiń túpkilikti tizimi arqyly tolyq aiqyndaý múmkin emes. Mundai jaǵdailardy baǵalaý kezinde naqty istiń mán-jailary, sondai-aq áleýmettik, mádeni jáne kásibi erekshelikter eskerilýi qajet.
Osyǵan bailanysty Konstitýtsiialyq Sot atalǵan uǵymnyń naqty jaǵdailardy eskere otyryp qoldanýǵa múmkindik beretin jetkilikti normativtik aiqyndyqqa ie degen qorytyndyǵa keldi. Sonymen birge ótinish berýshiniń kelisý komissiiasy men sottarǵa júginý arqyly óz quqyqtaryn qorǵaýdyń zańda belgilengen tetikterin paidalanǵanyn atap ótti.
.jpg)