Aqordada Vitse-Prezident Erlan Qarinniń tóraǵalyǵymen ideologiialyq keńestiń kezekti otyrysy ótti. Jiynǵa Prezident Ákimshiligi qurylymdyq bólimsheleriniń jáne áleýmettik-mádeni jáne aqparattyq bloktarǵa jetekshilik etetin ortalyq memlekettik organdardyń basshylary qatysty, dep habarlaidy ult.kz. Aqordaǵa silteme jasap.
Otyrysta ishki saiasattyń qazirgi kún tártibi qaralyp, aldaǵy ýaqytta ótetin Eńbek kúni sekildi negizgi is-sharalarǵa daiyndyq barysy egjei-tegjeili pysyqtaldy.
Vitse-Prezident qoǵamda eńbekqorlyq pen órkendeý ideologiiasyn ilgeriletý baǵytyndaǵy qarqyndy jumysty jalǵastyrý qajet ekenin airyqsha atap ótti.
– Memleket konstitýtsiialyq qundylyqtardy jan-jaqty ilgeriletýde. Bul qatarda eńbekqorlyq pen progress, jumysshy mamandyqtar ókilderine qurmet kórsetý de bar. Prezident Qasym-Jomart Toqaev jasampaz eńbek ideologiiasyn nasihattaýǵa airyqsha mán berip, óz isiniń maitalmandaryn, eńbek áýletteriniń ókilderin joǵary memlekettik nagradalarmen marapattap keledi.
Osy oraida, aqparattyq keńistikte eńbek adamdarynyń jetistikteri men ǵumyr jolyn únemi nasihattap, olardyń elimizdiń ozyq damýyna qosyp otyrǵan úlesin atap kórsetken jón. Otandyq IT-jobalardyń, startaptardyń tabysty nátijelerine, jańa tsifrlyq tehnologiialardyń engizilýine airyqsha nazar aýdarý qajet. Bul jumys belgili bir is-sharalarmen ǵana shektelmei, turaqty ári júieli túrde júrgizilýge tiis.
– Túpki maqsat – Prezident aiqyndap bergendei, eńbekqorlyqty ulttyq sipatymyzdyń ajyramas bóligine ainaldyrý, – dedi Erlan Qarin.
Keńes qorytyndysy boiynsha Vitse-Prezident jaýapty memlekettik organdarǵa ishki saiasattyń qazirgi kún tártibine qatysty naqty tapsyrmalar berdi. Sondai-aq Memleket basshysynyń barlyq bastamasy men tapsyrmasynyń tiimdi iske asyrylýyn qamtamasyz etip, olardyń oryndalýyn baqylaýdy odan ári jalǵastyrý qajet ekenin aitty.
.jpg)
