7 qarashada Qazaqstannyń birqatar óńirinde jaýyn-shashyn bolyp, jel kúsheiedi. Túnde jáne tańerteń tuman túsip, soltústik pen soltústik-batysta kóktaiǵaq bolýy yqtimal, dep habarlaidy ult.kz.
Astanada kún ala bultty bolyp, túnde jáne kúnniń birinshi jartysynda jańbyr jaýady. Ońtústik-batystan soǵatyn jeldiń jyldamdyǵy sekýndyna 9–14 metrge jetedi. Aýa temperatýrasy túnde +3…+5, kúndiz +7…+9 gradýs bolady.
Almatyda jaýyn-shashyn kútilmeidi. Túnde jáne tańerteń tuman túsedi. Ońtústik-shyǵystan sekýndyna 3–8 metr jyldamdyqpen jel soǵady. Túnde aýa temperatýrasy +3…+5, kúndiz +16…+18 gradýsqa deiin kóteriledi.
Shymkentte tańerteń jáne kúndiz jańbyr jaýady. Ońtústik-shyǵystan soǵatyn jeldiń jyldamdyǵy sekýndyna 5–10 metr bolady. Aýa temperatýrasy túnde +10…+12, kúndiz +21…+23 gradýsqa jetedi.
Aqmola oblysynyń soltústiginde, ońtústiginde jáne shyǵysynda túnde jańbyr men qar, kúndiz ońtústigi men shyǵysynda jańbyr kútiledi. Óńirdiń batysynda, soltústiginde jáne shyǵysynda tuman túsedi. Jel sekýndyna 9–14 metr, túnde ońtústigi men shyǵysynda 15–20 metrge deiin kúsheiedi. Temperatýra túnde −1…−6, ońtústigi men shyǵysynda +3, kúndiz +4…+9 gradýs bolady.
