Jetisý aýdanynda burynǵy «Rahat» bazarynyń ornynda jańa qoǵamdyq keńistik salynyp jatyr. Joba tolyqtai demeýshilik qarajat esebinen júzege asyrylýda, dep habarlaidy ult.kz.
Jer teliminiń jalpy aýmaǵy 0,97 ga. Joba boiynsha munda serýendeý joldary, demalys jáne sport aimaqtary, sondai-aq fýtbol alańy qarastyrylǵan. Aýmaqta oryndyqtar men jaryqtandyrý júiesi ornatylyp, keń kólemde kógaldandyrý júrgiziledi.
Jetisý aýdanynyń ákimi Qurasbek Sádibekov brifing barysynda nysandaǵy jumystardy qarasha aiynda aiaqtaý josparlanǵanyn aitty.
«Burynǵy “Rahat” bazarynyń ornynda demeýshilik qarajat esebinen jańa skver salynyp jatyr. Jumystardy qarasha aiynda aiaqtaý josparlanǵan», – dedi aýdan ákimi.
Joba aiaqtalǵannan keiin buryn saýda nysany ornalasqan aýmaqta turǵyndardyń serýendeýine, demalýyna jáne sportpen ainalysýyna arnalǵan jańa keńistik paida bolady.
