Alaiaqtar Ulttyq banktiń atyn jamylyp, azamattarǵa jalǵan hattar taratyp jatyr. Olar urlanǵan aqshany qaitarýǵa nemese túsken aýdarymdy jetkizýge ýáde berip, aldyn ala tólem talap etedi, dep habarlaidy ult.kz.
Ulttyq bank málimetinshe, qaskóiler mekemeniń resmi blankisine uqsas jalǵan qujattardy paidalanady. Keibiri aqshany qaitarý úshin tólem surasa, endi biri aýdarymdy jetkizýge inkassator kóligi qajet ekenin aitady.
Alaiaqtar ózderin Qarjylyq monitoring agenttiginiń nemese Ulttyq banktiń qyzmetkeri retinde tanystyrýy múmkin.
Ulttyq bank jeke tulǵalardyń shottaryna qyzmet kórsetpeitinin, aqsha deklaratsiialamaitynyn jáne halyqpen aqshalai esep aiyryspaitynyn eskertti. Sondai-aq azamattarmen messendjerler men áleýmettik jeliler arqyly hat almaspaidy.
Vedomstvo kúmándi shottarǵa aqsha aýdarmaýǵa jáne jalǵan qujattarǵa senbeýge shaqyrdy. Kúmán týyndasa, 1477 nómirine habarlasýǵa bolady.
