Atyraýda kontsertmeister bolyp jumys istegen áieldi kásibi biliktiligi jetkiliksiz degen sebeppen jumystan shyǵarǵan mekeme sotta jeńildi. Sot qyzmetkerdi burynǵy qyzmetine qaita ornalastyryp, jumyssyz qalǵan kezeńniń jalaqysyn tóleýdi mindettedi, dep habarlaidy ult.kz.
Atyraý qalalyq sotynyń málimetinshe, 2025 jylǵy 28 tamyzda irikteý komissiiasy áieldiń mýzykalyq bilimi jetkiliksiz ári daýysty durys qoia almaityny týraly qorytyndy shyǵarǵan. Osydan keiin jumys berýshi onymen jasalǵan eńbek shartyn buzǵan.
Alaida qyzmetker bul sheshimmen kelispei, sotqa júgingen. Sot jumys berýshiniń áreketin zańsyz dep tanydy. Sebebi áieldiń kásibi biliktiliginiń jetkiliksizdigi attestattaý nátijesimen rastalmaǵan.
Eńbek kodeksine sáikes, qyzmetkerdi biliktiligi tómen degen negizben jumystan shyǵarý úshin bul jaǵdai attestattaý qorytyndysymen dáleldenýi tiis.
Sot talap-aryzdy tolyq qanaǵattandyryp, jumystan shyǵarý týraly buiryqtyń kúshin joidy. Jumys berýshi áieldi qyzmetine qaita ornalastyryp, amalsyz bos júrgen kezeńi úshin ortasha jalaqysyn tóleýge mindetteldi.
Sot sheshimi zańdy kúshine endi.
