Eki jasóspirim qyzdy zorlaǵany úshin segiz jylǵa sottalǵan azamat túrmedegi tártipti buzǵany úshin qosymsha bir jarym jylǵa bas bostandyǵynan aiyryldy, dep habarlaidy ult.kz.
Irbistv.kz málimetinshe, 2023 jyly Ekibastuzda 8 jáne 13 jastaǵy apaly-sińlili qyzdarǵa qatysty qylmys jasaǵany úshin sottalǵan azamat jazasyn №46 koloniiada ótep júrgen.
Sot materialdaryna sáikes, ol saqal-murtyn alýdan bas tartyp, mekeme qyzmetkerleriniń talaptaryn birneshe ret oryndamaǵan. 2026 jyldyń naýryzynda tintý kezinde ish kiimine deiin sheshinýden bas tartyp, qyzmetkerlerge baǵynbaǵan.
Osy derek boiynsha qozǵalǵan qylmystyq is nátijesinde oǵan taǵy 1 jyl 6 ai jaza taǵaiyndaldy. Endi ol jazasyn qaýipsizdigi barynsha joǵary koloniiada óteidi.
