Pavlodar oblysyndaǵy túzeý mekemesinde 20 jastaǵy sottalýshynyń máiiti tabyldy. Ol 15 jastaǵy qyzben intimdik qatynasqa túskeni úshin 12 jylǵa bas bostandyǵynan aiyrylǵan. Aldyn ala málimet boiynsha, jas jigit óz-ózine qol jumsaǵan. Oqiǵaǵa qatysty qylmystyq is qozǵaldy, dep habarlaidy ult.kz HALYQSTAN Telegram arnasyna silteme jasap.
Oqiǵaǵa qatysty málimetterge súiensek, jigit 2025 jyly 15 jastaǵy mektep oqýshysymen Instagram jelisinde tanysqan. Keiin olar qyzdyń úiinde kezdesip, arasynda intimdik qatynas bolǵan. Qyzdyń anasy bul týraly bilgen soń, politsiiaǵa aryz túsirgen.
Qarym-qatynas eki jaqtyń kelisimimen bolǵanyna qaramastan, zań boiynsha 16 jasqa tolmaǵan adammen jynystyq qatynasqa túsýge tyiym salynǵan. 2026 jylǵy sáýirde sot jas jigitti 12 jylǵa bas bostandyǵynan aiyrǵan.
Pavlodar oblysy boiynsha Qylmystyq-atqarý júiesi departamenti sottalýshynyń ólimine qatysty tergeý júrip jatqanyn habarlady. Qazir oqiǵanyń mán-jaiy anyqtalyp jatyr.
