Ánshi Jazira Baiyrbekova áleýmettik jelidegi paraqshasynda otbasylyq qarym-qatynas týraly oi qozǵap, oqyrmandaryn ómirlik tájiribesimen bólisýge shaqyrdy, dep habarlaidy ult.kz.

Óner iesi uzaq jyl birge turǵan erli-zaiyptylardyń bir-birin tańǵaldyra bilýi men shańyraqtyń beriktigine negiz bolatyn qasietter týraly suraq qoidy.

“Bir shańyraq astynda qansha jyl ómir súrseńizder de, bir-birińizdi áli kúnge deiin tańǵaldyra alasyzdar ma? Sizderdińshe, otbasynyń beriktigi nede? Syilastyqta ma, túsinistikte me, álde keshire bilýde me?” – dep jazdy ánshi.

Jazira Baiyrbekova úlkenderdiń kórgeni men túigeni jas otbasylarǵa baǵyt-baǵdar bere alatynyn atap ótti.

“Ómirlik tájiribelerińizben bólisińizdershi. Keide úlkenderdiń bir aýyz sózi tutas bir otbasyǵa sabaq bolýy múmkin”, – dedi óner iesi.

Aita keteiik, Jazira Baiyrbekova oqyrmandarynan keńes surady.

Jazira Baiyrbekova kim?

Jazira Baiyrbekova – qazaq estradasynyń ánshisi. Kópshilikke jubaiy, ánshi Janbolat Esbosynovpen birge qurǵan “Janbolat pen Jazira” dýeti arqyly tanylǵan.

Ónerli juptyń repertýarynda mahabbat, otbasy jáne týǵan jer taqyrybyndaǵy ánder bar.

Ánshi áleýmettik jelide shyǵarmashylyǵymen qatar, otbasylyq ómiri men bala tárbiesine qatysty oilaryn da bólisip otyrady. Janbolat ekeýi Rýslan esimdi ul men Dara esimdi qyz tárbielep otyr.