Tursynbek Qabatovtyń jubaiy Aiman Talǵatqyzy TADDS brendimen áielderge arnalǵan ekilikter shyǵara bastady, dep habarlaidy ult.kz.

Ol áleýmettik jelidegi paraqshasynda kiimderdi brendtiń jeke tigin óndirisiniń ónimi retinde tanystyrǵan. Aimannyń aitýynsha, ekilikterdi ázirleýde matanyń sapasy men tigistiń uqyptylyǵyna mán berilgen.

Kiimder bir tústi matadan tigilip, birneshe reńkte usynylǵan. Keibir úlgilerdiń jeńine segiz qabat qaýyrsynnan turatyn sándik áshekei taǵylǵan. Ony qalaǵan kezde sheship alýǵa bolady.

Ekilikter kúndelikti turmysqa da, serýenge nemese shaǵyn basqosýǵa da laiyqtalǵan. Aiman ónimderiniń sapasyn joǵary baǵalap, olardy mynadai sózdermen tanystyrǵan:

“Tazalyqpen, mahabbatpen, uqyptylyqpen, sapamen arnaiy tigilgen ekeýlik”.

Jańa toptamany kórsetý úshin ol ózi model bolǵan. Aiman ekilikterdi kiip túsip, olardyń denege qonymy men úlgisin oqyrmandaryna tanystyryp júr.

Aita keteiik, Aiman Talǵatqyzy densaýlyǵy syr bergenin aitty.

Tursynbek Qabatov kim?

Tursynbek Amanǵaliuly Qabatov – tanymal ázilkesh, satira akteri jáne telejúrgizýshi.

Ol 1979 jylǵy 10 qazanda Batys Qazaqstan oblysy Qaztalov aýdanynyń Aqpáter aýylynda dúniege kelgen. Kópshilikke KVN sahnasyndaǵy ónerimen tanylyp, “Astana.kz” jáne “Qazaqtar” komandalarynyń quramynda oinaǵan. Keiin jeke ázil keshterin ótkizip, telejobalarǵa qatysqan.

Onyń ázilderinde otbasylyq qarym-qatynas, kúndelikti turmys pen qoǵamdaǵy túrli jaǵdailar qozǵalady. 2011 jyldan bastap elordadaǵy “Ázil álemi” ázil-syqaq teatryna jetekshilik etken. Ónerdegi eńbegi úshin “Qazaqstannyń eńbek sińirgen qairatkeri” ataǵyna ie bolǵan.