پاۆلودار وبلىسىنداعى تٷزەۋ مەكەمەسٸندە 20 جاستاعى سوتتالۋشىنىڭ مەيٸتٸ تابىلدى. ول 15 جاستاعى قىزبەن ينتيمدٸك قاتىناسقا تٷسكەنٸ ٷشٸن 12 جىلعا باس بوستاندىعىنان ايىرىلعان. الدىن الا مەلٸمەت بويىنشا, جاس جٸگٸت ٶز-ٶزٸنە قول جۇمساعان. وقيعاعا قاتىستى قىلمىستىق ٸس قوزعالدى, دەپ حابارلايدى ult.kz HALYQSTAN تەلەگرام ارناسىنا سٸلتەمە جاساپ.
وقيعاعا قاتىستى مەلٸمەتتەرگە سٷيەنسەك, جٸگٸت 2025 جىلى 15 جاستاعى مەكتەپ وقۋشىسىمەن Instagram جەلٸسٸندە تانىسقان. كەيٸن ولار قىزدىڭ ٷيٸندە كەزدەسٸپ, اراسىندا ينتيمدٸك قاتىناس بولعان. قىزدىڭ اناسى بۇل تۋرالى بٸلگەن سوڭ, پوليتسيياعا ارىز تٷسٸرگەن.
قارىم-قاتىناس ەكٸ جاقتىڭ كەلٸسٸمٸمەن بولعانىنا قاراماستان, زاڭ بويىنشا 16 جاسقا تولماعان اداممەن جىنىستىق قاتىناسقا تٷسۋگە تىيىم سالىنعان. 2026 جىلعى سەۋٸردە سوت جاس جٸگٸتتٸ 12 جىلعا باس بوستاندىعىنان ايىرعان.
پاۆلودار وبلىسى بويىنشا قىلمىستىق-اتقارۋ جٷيەسٸ دەپارتامەنتٸ سوتتالۋشىنىڭ ٶلٸمٸنە قاتىستى تەرگەۋ جٷرٸپ جاتقانىن حابارلادى. قازٸر وقيعانىڭ مەن-جايى انىقتالىپ جاتىر.
