اقتٶبەدە ەيەلدٸ ٶلتٸردٸ دەگەن كٷدٸكپەن بۇرىنعى كٷيەۋٸ ۇستالدى. كٷدٸكتٸ ۋاقىتشا ۇستاۋ يزولياتورىنا قامالدى. بۇل دەرەك بويىنشا قىلمىستىق ٸس قوزعالدى, دەپ حابارلايدى ult.kz.
الدىن الا مەلٸمەتكە سەيكەس, قايعىلى وقيعاعا بۇرىنعى ەرلٸ-زايىپتىلار اراسىنداعى تۇرمىستىق جانجال سەبەپ بولعان.
پوليتسييانىڭ حابارلاۋىنشا, بۇعان دەيٸن ولاردىڭ اراسىندا تۇرمىستىق جانجال بولعانى تۋرالى قۇقىق قورعاۋ ورگاندارىنا ەشقانداي ارىز-شاعىم نەمەسە حابارلاما تٷسپەگەن.
بەلگٸلٸ بولعانداي, كٷدٸكتٸ 1995 جىلى, ال مارقۇم 2000 جىلى تۋعان. ادام ٶلتٸرۋ دەرەگٸ بويىنشا قىلمىستىق كودەكستٸڭ 99-بابىمەن ٸس قوزعالدى.
قازٸر وقيعانىڭ مەن-جايىن انىقتاۋ ٷشٸن تەرگەۋ امالدارى جٷرگٸزٸلٸپ جاتىر. تەرگەۋ مٷددەسٸنە بايلانىستى ٶزگە اقپارات جارييالانبايدى.
ايتا كەتەيٸك, بۇعان دەيٸن اقتٶبەدە اۋىلداسىن پىشاقتاپ ٶلتٸردٸ دەپ ايىپتالعان ستۋدەنت سوتتالعان بولاتىن.
