اتىراۋداعى BINOM مەكتەبٸندە 13 جاستاعى قىزعا پىشاقپەن شابۋىل جاساعان 16 جاستاعى جاسٶسپٸرٸم 15 جىلعا باس بوستاندىعىنان ايىرىلدى. سوت ٷكٸمٸ القابيلەردٸڭ قاتىسۋىمەن شىعارىلدى, دەپ حابارلايدى ult.kz قازاقپاراتقا سٸلتەمە جاساپ.
ەكٸ ايدان استام ۋاقىتقا سوزىلعان سوت پروتسەسٸندە جاسٶسپٸرٸمنٸڭ شابۋىلدى الدىن الا جوسپارلاعانى انىقتالدى. ونىڭ دەپتەرلەرٸنەن وتباسى مٷشەلەرٸ مەن قوعامعا دەگەن ٶشپەندٸلٸگٸن بٸلدٸرگەن جازبالار, سونداي-اق شەتەلدەگٸ مەكتەپتەرگە شابۋىل جاساعان قىلمىسكەرلەرگە قىزىعۋشىلىق تانىتقانى تۋرالى دەرەكتەر تابىلعان.
سۋديا زارەما حاميدۋللينانىڭ ايتۋىنشا, سوتتالۋشى 13 ناۋرىز كٷنٸ مەكتەپكە ٷش پىشاق, بالعا, قىسقاش جەنە شابۋىل جوسپارى جازىلعان دەپتەرٸن الىپ كەلگەن. ول شامامەن بٸر ساعاتتان استام ۋاقىت بويى شابۋىل جاسايتىن وقۋشىنى ٸزدەپ, سوڭىندا سوڭعى ساباعىنا بارا جاتقان ٶزٸنە بەيتانىس 13 جاستاعى قىزعا تاپ بەرگەن.
تەرگەۋ بارىسىندا ونىڭ دەپتەرلەرٸنەن وتباسىن, اتا-اناسىن جەنە قوعامدى جەك كٶرەتٸنٸ, ادامدارعا زييان كەلتٸرگٸسٸ كەلەتٸنٸ تۋرالى جازبالار تابىلعان. سونداي-اق ەيەلدەرگە دەگەن ٶشپەندٸلٸگٸن بٸلدٸرگەن جەنە وتباسىنا قاتىستى بۇرىنعى ويىن جٷزەگە اسىرا الماعانىنا ٶكٸنگەن جازبالارى انىقتالعان.
سوتتا جاسٶسپٸرٸمنٸڭ ەلەۋمەتتٸك جەلٸلەر مەن كومپيۋتەرلٸك ويىندارعا تەۋەلدٸ بولعانى, تىيىم سالىنعان ينتەرنەت-رەسۋرستارداعى ماتەريالدارعا قىزىعۋشىلىق تانىتقانى دا ايتىلدى. اقپان ايىندا ۇلتتىق قاۋٸپسٸزدٸك كوميتەتٸنٸڭ قىزمەتكەرلەرٸ ونىڭ جەكە پاراقشالارىنان دٸني ەكسترەميستٸك مازمۇنداعى ماتەريالداردى انىقتاپ, تەولوگ ماماننىڭ قاتىسۋىمەن تٷسٸندٸرۋ جۇمىسىن جٷرگٸزگەن.
سۋديانىڭ سٶزٸنشە, سوتتا زەرتتەلگەن ماتەريالدار جاسٶسپٸرٸمنٸڭ تۇيىقتالىپ, ۆيرتۋالدى ەلەمگە تەۋەلدٸ بولا باستاعانىن جەنە قورشاعان ورتاعا تەرٸس كٶزقاراسى كٷشەيگەنٸن كٶرسەتكەن.
سونىمەن قاتار 2025 جىلدىڭ قازان ايىندا جاسٶسپٸرٸم مەكتەپ پسيحولوگٸنە سىنىپتاستارىنىڭ ٶزٸن مازاقتايتىنى جٶنٸندە شاعىمدانعان. سوتتا ونىڭ ەسٸمٸن بۇرمالاۋىنا, ۇلتى مەن سىرتقى كەلبەتٸنە قاتىستى تيٸسۋ فاكتٸلەرٸ راستالعان. الايدا جٷيەلٸ تٷردە ۇرىپ-سوعۋ نەمەسە قورلاۋ دەرەكتەرٸ انىقتالماعان.
مەملەكەتتٸك ايىپتاۋشى مايرا ەرجانوۆا بۇل وقيعا جاسٶسپٸرٸمدەر اراسىنداعى قۇقىقبۇزۋشىلىقتىڭ الدىن الۋ شارالارىن كٷشەيتۋ قاجەتتٸگٸن كٶرسەتەتٸنٸن اتاپ ٶتتٸ. ونىڭ ايتۋىنشا, اتا-انالاردىڭ بالا تەربيەسٸندەگٸ جاۋاپكەرشٸلٸگٸن ارتتىرىپ, بٸلٸم بەرۋ ۇيىمدارى مەن مەملەكەتتٸك ورگاندار اراسىنداعى بايلانىستى نىعايتۋ ماڭىزدى.
وسىعان بايلانىستى سوت وقۋ-اعارتۋ مينيسترٸ مەن اتىراۋ وبلىسىنىڭ پروكۋرورىنا تيٸستٸ شارالار قابىلداۋ تۋرالى جەكەشە قاۋلى شىعاردى.
سوتتالۋشى قىلمىستىق كودەكستٸڭ 24-بابىنىڭ 3-بٶلٸگٸ جەنە 99-بابىنىڭ 3-بٶلٸگٸ بويىنشا, ياعني جاس بالانى ٶلتٸرۋگە وقتالعانى ٷشٸن كٸنەلٸ دەپ تانىلدى. ول جازاسىن كەمەلەتكە تولماعاندارعا ارنالعان قاۋٸپسٸزدٸگٸ ورتاشا مەكەمەدە ٶتەيدٸ.
ەسكە سالايىق, وقيعا بيىل 13 ناۋرىزدا بولعان. اۋىر جاراقات العان وقۋشى اۋرۋحاناعا جەتكٸزٸلٸپ, وعان شۇعىل وتا جاسالعان. قىز امان قالدى.
