Higgsfield kompaniiasynyń teń quryltaishysy Aleks Mashrabov Qazaqstan azamattyǵyn aldy. Onyń jańa tólqujatyn Jasandy intellekt jáne tsifrlyq damý ministri Jaslan Mádiev tabystady, dep habarlaidy ult.kz.
Ministr bul týraly áleýmettik jelidegi paraqshasynda habarlady.
Onyń málimetinshe, 2026 jylǵy 30 qazanda Memleket basshysy Qasym-Jomart Toqaev Aleks Mashrabovqa Qazaqstan azamattyǵyn berý týraly jarlyqqa qol qoiǵan.
«Prezident jasandy intellektini damytýǵa jáne talanttardy qoldaýǵa erekshe mán beredi. Biz bolashaq tehnologiialaryn jasaityn mamandardyń óz josparlaryn Qazaqstanmen bailanystyryp, ideialaryn júzege asyrýǵa qajetti múmkindikterdi elimizden tapqanyn qalaimyz», – dep jazdy Jaslan Mádiev.
Ministr Aleks Mashrabov pen onyń áriptesteriniń jetistigi qazaqstandyq jastarǵa úlgi bolatynyn atap ótti. Sondai-aq Qazaqstanda júrip-aq álemdik deńgeidegi tehnologiialardy jasap, jetekshi kompaniialarmen básekelesýge jáne halyqaralyq naryqqa shyǵýǵa múmkindik bar ekenin jetkizdi.
«Aleks, Qazaqstanǵa senim bildirip, elimizdiń azamaty bolýdy tańdaǵanyńyz úshin raqmet. Birlese talanttardy qoldap, jańa ónimder jasap, Qazaqstannyń tehnologiialyq áleýetin nyǵaitamyz dep senemin», – dep túiindedi ministr.
