اتىراۋدا كونتسەرتمەيستەر بولىپ جۇمىس ٸستەگەن ەيەلدٸ كەسٸبي بٸلٸكتٸلٸگٸ جەتكٸلٸكسٸز دەگەن سەبەپپەن جۇمىستان شىعارعان مەكەمە سوتتا جەڭٸلدٸ. سوت قىزمەتكەردٸ بۇرىنعى قىزمەتٸنە قايتا ورنالاستىرىپ, جۇمىسسىز قالعان كەزەڭنٸڭ جالاقىسىن تٶلەۋدٸ مٸندەتتەدٸ, دەپ حابارلايدى ult.kz.
اتىراۋ قالالىق سوتىنىڭ مەلٸمەتٸنشە, 2025 جىلعى 28 تامىزدا ٸرٸكتەۋ كوميسسيياسى ەيەلدٸڭ مۋزىكالىق بٸلٸمٸ جەتكٸلٸكسٸز ەرٸ داۋىستى دۇرىس قويا المايتىنى تۋرالى قورىتىندى شىعارعان. وسىدان كەيٸن جۇمىس بەرۋشٸ ونىمەن جاسالعان ەڭبەك شارتىن بۇزعان.
الايدا قىزمەتكەر بۇل شەشٸممەن كەلٸسپەي, سوتقا جٷگٸنگەن. سوت جۇمىس بەرۋشٸنٸڭ ەرەكەتٸن زاڭسىز دەپ تانىدى. سەبەبٸ ەيەلدٸڭ كەسٸبي بٸلٸكتٸلٸگٸنٸڭ جەتكٸلٸكسٸزدٸگٸ اتتەستاتتاۋ نەتيجەسٸمەن راستالماعان.
ەڭبەك كودەكسٸنە سەيكەس, قىزمەتكەردٸ بٸلٸكتٸلٸگٸ تٶمەن دەگەن نەگٸزبەن جۇمىستان شىعارۋ ٷشٸن بۇل جاعداي اتتەستاتتاۋ قورىتىندىسىمەن دەلەلدەنۋٸ تيٸس.
سوت تالاپ-ارىزدى تولىق قاناعاتتاندىرىپ, جۇمىستان شىعارۋ تۋرالى بۇيرىقتىڭ كٷشٸن جويدى. جۇمىس بەرۋشٸ ەيەلدٸ قىزمەتٸنە قايتا ورنالاستىرىپ, امالسىز بوس جٷرگەن كەزەڭٸ ٷشٸن ورتاشا جالاقىسىن تٶلەۋگە مٸندەتتەلدٸ.
سوت شەشٸمٸ زاڭدى كٷشٸنە ەندٸ.
