قازاقستاندا پەرزەنتحانا, بالالار ستاتسيونارى مەن جەدەل جەردەم ستانتسييالارىنىڭ باسشىلارى جەنە ولاردىڭ ورىنباسارلارىن اتتەستاتتاۋ كەزٸندە ەربٸر بەسٸنشٸ قاتىسۋشى قاجەتتٸ بالل جيناي الماعان. 2026 جىلعى 2 قاراشاداعى جاعداي بويىنشا تەستٸلەۋگە قاتىسقان 235 ادامنىڭ 47-سٸ مەجەدەن ٶتە المادى, دەپ حابارلايدى ult.kz.
دەنساۋلىق ساقتاۋ مينيسترلٸگٸنٸڭ مەلٸمەتٸنشە, تەستٸلەۋ 14 قازاننان بەرٸ جالعاسىپ كەلەدٸ. قازٸرگٸ ۋاقىتتا اتتەستاتتاۋدان ٶتۋگە تيٸس مامانداردىڭ 72,1 پايىزى سىناق تاپسىرعان.
نەتيجەسٸندە 188 ادام نەمەسە قاتىسۋشىلاردىڭ 80 پايىزى تەستٸلەۋدەن سەتتٸ ٶتكەن. ال قاجەتتٸ بالل جيناي الماعانداردىڭ قاتارىندا 25 باسشى مەن 22 ورىنباسار بار. تاعى 27 ادام تەستٸلەۋگە كەلمەگەن.
تەرٸس نەتيجە كٶرسەتكەندەر اقمولا, ماڭعىستاۋ جەنە قوستاناي وبلىستارىندا كٶپ تٸركەلگەن. بۇل ٷش ٶڭٸرگە تەستٸلەۋدەن ٶتە الماعانداردىڭ 55,3 پايىزى تيەسٸلٸ. ال استانا مەن پاۆلودار وبلىسىندا بارلىق قاتىسۋشى قاجەتتٸ بالل جيناعان.
تەستٸلەۋدەن ٶتپەگەندەر سۇحباتتاسۋ كەزەڭٸنە جٸبەرٸلمەيدٸ. ولار التى ايدان كەيٸن قايتا اتتەستاتتاۋدان ٶتۋٸ كەرەك.
ايتا كەتەيٸك, اتتەستاتتاۋ تەك پەرزەنتحانالار, بالالار ستاتسيونارلارى مەن جەدەل مەديتسينالىق جەردەم ستانتسييالارىنىڭ باسشىلارى جەنە ولاردىڭ ورىنباسارلارىنا جٷرگٸزٸلەدٸ. تەستٸلەۋ 2026 جىلعى جەلتوقساننىڭ سوڭىنا دەيٸن جالعاسادى. ال جارييالانعان كٶرسەتكٸشتەر – بٸرٸنشٸ كەزەڭنٸڭ ارالىق نەتيجەلەرٸ.
