الماتىدا سەگٸزٸنشٸ قاباتتان قۇلاعان 13 جاستاعى جاسٶسپٸرٸمنٸڭ ٶمٸرٸن دەرٸگەرلەر ساقتاپ قالدى. شامامەن 24 مەتر بيٸكتٸكتەن قۇلاعان بالانىڭ جاعدايى اۋرۋحاناعا جەتكٸزٸلگەن كەزدە اسا اۋىر بولعان, دەپ حابارلايدى ult.kz.
قالالىق دەنساۋلىق ساقتاۋ باسقارماسىنىڭ مەلٸمەتٸنشە, جاسٶسپٸرٸمدٸ جەدەل جەردەم بريگاداسى №1 قالالىق بالالار كلينيكالىق اۋرۋحاناسىنا جەتكٸزگەن. دەرٸگەرلەر ونىڭ باس-مي جاراقاتىن العانىن, ميى سوعىلعانىن, قول-اياعى بٸرنەشە جەردەن سىنعانىن انىقتادى. سونىمەن قاتار كەۋدە جەنە قۇرساق قۋىسى اعزالارى زاقىمدانىپ, تراۆماتيكالىق شوك بولعان.
بالا بٸردەن جانساقتاۋ بٶلٸمٸنە جاتقىزىلدى. جاراقاتتاردىڭ اۋقىمىن انىقتاۋ ٷشٸن باسىنان اياعىنا دەيٸن كومپيۋتەرلٸك توموگرافييا جاسالدى.
اۋرۋحانانىڭ رەانيماتسييا بٶلٸمٸنٸڭ مەڭگەرۋشٸسٸ مەدەتالي مەكٸلبەكوۆتٸڭ ايتۋىنشا, دەرٸگەرلەر العاشقى ەكٸ تەۋلٸكتە جاسٶسپٸرٸمنٸڭ ٶمٸرلٸك ماڭىزدى اعزالارىنىڭ قىزمەتٸن تۇراقتاندىرۋعا كٷش سالعان. كەيٸن ناۋقاسقا وتا جاسالىپ, ٷشٸنشٸ كٷنٸ جانساقتاۋ بٶلٸمٸنەن تراۆماتولوگييا بٶلٸمٸنە اۋىستىرىلعان.
جالپى, تراۆماتولوگتار مەن رەانيماتولوگتاردان قۇرالعان مەديتسينالىق توپ تٶرت وتا جاساعان.
«سەگٸزٸنشٸ قاباتتان قۇلاۋ – ٶتە اۋىر جاراقات. بالانىڭ امان قالۋىنىڭ ٶزٸ ٷلكەن جەتٸستٸك. بٸزدٸڭ كوماندا بٸردەن قاجەتتٸ مەديتسينالىق كٶمەك كٶرسەتۋگە كٸرٸستٸ. جاراقاتتاردىڭ سيپاتى مەن اۋىرلىعىن ەسكەرە وتىرىپ, تٶرت وتا جاساۋ تۋرالى شەشٸم قابىلداندى. بارلىق وپەراتسييا سەتتٸ ٶتتٸ. قازٸر ناۋقاستىڭ جاعدايى وڭ بولجام جاساۋعا مٷمكٸندٸك بەرەدٸ», – دەدٸ اۋرۋحانا ديرەكتورىنىڭ ورىنباسارى قۇرمەتبەك توقتار.
دەرٸگەرلەردٸڭ ايتۋىنشا, جاسٶسپٸرٸمگە ەلٸ دە ەم قابىلداپ, قالپىنا كەلۋ جەنە وڭالتۋ شارالارىنان ٶتۋ قاجەت.
