Almatyda burynǵy súiiktisiniń sońynan qalmai, úii men jumys ornyna barǵan er adam ustaldy. Ol áielge jasyryn nómirlerden qońyraý shalyp, kúsh qoldanatynyn aityp qorqytqan, dep habarlaidy ult.kz.
Qalalyq politsiia departamentiniń málimetinshe, áiel qarym-qatynasty toqtatatynyn birneshe ret aitsa da, er adam onymen kezdesýge tyrysqan. Qaita-qaita habarlasyp, habarlama jazýyn da doǵarmaǵan.
Aqyry jábirlenýshi politsiiaǵa júgingen. Atalǵan derek boiynsha qylmystyq is qozǵalyp, hat almasýlar tergeý materialdaryna tirkeldi. Kúdikti kinásin moiyndaǵan.
Qazir ol ustalyp, ýaqytsha ustaý izoliatoryna qamaldy.
Politsiia adamnyń erkinen tys bailanys ornatýǵa tyrysý, ańdý jáne jeke ómirine júieli túrde aralasý zań boiynsha jaýaptylyqqa ákeletinin eskertti.
