7 قاراشادا قازاقستاننىڭ بٸرقاتار ٶڭٸرٸندە جاۋىن-شاشىن بولىپ, جەل كٷشەيەدٸ. تٷندە جەنە تاڭەرتەڭ تۇمان تٷسٸپ, سولتٷستٸك پەن سولتٷستٸك-باتىستا كٶكتايعاق بولۋى ىقتيمال, دەپ حابارلايدى ult.kz.
استانادا كٷن الا بۇلتتى بولىپ, تٷندە جەنە كٷننٸڭ بٸرٸنشٸ جارتىسىندا جاڭبىر جاۋادى. وڭتٷستٸك-باتىستان سوعاتىن جەلدٸڭ جىلدامدىعى سەكۋندىنا 9–14 مەترگە جەتەدٸ. اۋا تەمپەراتۋراسى تٷندە +3…+5, كٷندٸز +7…+9 گرادۋس بولادى.
الماتىدا جاۋىن-شاشىن كٷتٸلمەيدٸ. تٷندە جەنە تاڭەرتەڭ تۇمان تٷسەدٸ. وڭتٷستٸك-شىعىستان سەكۋندىنا 3–8 مەتر جىلدامدىقپەن جەل سوعادى. تٷندە اۋا تەمپەراتۋراسى +3…+5, كٷندٸز +16…+18 گرادۋسقا دەيٸن كٶتەرٸلەدٸ.
شىمكەنتتە تاڭەرتەڭ جەنە كٷندٸز جاڭبىر جاۋادى. وڭتٷستٸك-شىعىستان سوعاتىن جەلدٸڭ جىلدامدىعى سەكۋندىنا 5–10 مەتر بولادى. اۋا تەمپەراتۋراسى تٷندە +10…+12, كٷندٸز +21…+23 گرادۋسقا جەتەدٸ.
اقمولا وبلىسىنىڭ سولتٷستٸگٸندە, وڭتٷستٸگٸندە جەنە شىعىسىندا تٷندە جاڭبىر مەن قار, كٷندٸز وڭتٷستٸگٸ مەن شىعىسىندا جاڭبىر كٷتٸلەدٸ. ٶڭٸردٸڭ باتىسىندا, سولتٷستٸگٸندە جەنە شىعىسىندا تۇمان تٷسەدٸ. جەل سەكۋندىنا 9–14 مەتر, تٷندە وڭتٷستٸگٸ مەن شىعىسىندا 15–20 مەترگە دەيٸن كٷشەيەدٸ. تەمپەراتۋرا تٷندە −1…−6, وڭتٷستٸگٸ مەن شىعىسىندا +3, كٷندٸز +4…+9 گرادۋس بولادى.
