Aqtaýda jekemenshik Tulpar School mektebiniń qyzmetkeri eden jýýshymen janjaldasqany úshin jumystan bosatyldy. Oqiǵanyń videosy áleýmettik jelide taraǵan. Bul týraly Mańǵystaý oblystyq bilim basqarmasy HALYQSTAN tilshisine habarlaǵan, dep jazady ult.kz.
Basqarmanyń málimetinshe, oqiǵa 16 qazanda bolǵan. Mektep qyzmetkeri eden jýýshydan direktordyń kabinetin jinaýdy suraǵan. Alaida ol tapsyrmany oryndaýdan bas tartyp, dóreki sóilep, kabinetten shyǵyp ketken.
Buǵan ashýlanǵan mektep qyzmetkeri eden jýýshynyń shelegin teýip, ishindegi sýdy tógip jibergen.
Tekserý barysynda janjalǵa qatysqan áieldiń mektepte qosymsha fakýltativ sabaqtar da ótkizgeni anyqtalǵan. Pedagogikalyq ádepti buzǵany úshin onymen eńbek sharty buzylǵan.
Áleýmettik jelide jumystan bosatylǵan qyzmetkerdiń litsei direktory Halef Cheliktiń jubaiy ekeni týraly aqparat taraǵan. Alaida bul málimet ázirge resmi rastalǵan joq.
