Búginde kópshilikke tanylǵan kei ánshiniń óner jolyn tańdaýyna kezinde ata-anasy qarsy bolǵan. Biriniń ákesi injener bolýyn qalasa, endi biriniń otbasy ustazdyqqa barýǵa keńes bergen, dep habarlaidy ult.kz.
Ernar Aidar
Ernar Aidar bala kezinen úlken sahnada án aitýdy armandaǵan. Alaida ákesi onyń ónerge kelýin bastapqyda quptamaǵan. Ánshi aýylda júrgende úidegilerdiń qyzyǵýshylyǵyn túsine bermegenin, tipti qorada án shyrqaitynyn eske alǵan.
“Ákem ónerge kelýime qarsy boldy. Biraq ata-anam óz batasyn berdi”, — degen ol Qazaqstan arnasyndaǵy suhbatynda.
Roza Álqoja
Roza Álqojanyń da ata-anasy qyzynyń basqa mamandyq tańdaǵanyn qalaǵan. Ánshi áleýmettik jelidegi jazbasynda sahnaǵa deiingi jolynyń ońai bolmaǵanyn aitqan.
“Men ónerge ońai kelgen joqpyn. Óitkeni ata-anam qarsy boldy, basqa salaǵa barýymdy surady”, — dep jazǵan óner iesi.
Soǵan qaramastan, stýdent kezinen án aityp, keiin avtorlyq ánderimen tyńdarmanǵa tanyldy.
Tamara Asar
Tamara Asardyń ata-anasy muǵalim bolǵan. Olar qyzynyń ártis bolǵanynan góri, mýzyka páninen sabaq bergenin jón kórgen.
Ánshi Caravan basylymyna bergen suhbatynda estradalyq stýdiiaǵa ata-anasyna bildirmei túskenin aitqan. Keiin pedagogikalyq institýttyń mýzyka fakýltetinde bilim alyp, stýdent kezinde “Aigúl” ansamblinde án shyrqaǵan.
Janna Orynbasarova
Janna Orynbasarovanyń ákesi qyzynyń óz jolyn qýyp, injener bolǵanyn qalaǵan. Sondyqtan onyń sahnaǵa shyǵý nietine qarsy bolǵan.
“Ártis bolamyn degen kezde, árine meniń ákem qarsy bolǵan”, — degen ánshi NTK arnasyna bergen suhbatynda.
Ákesiniń qurylys salasyna baǵyttaǵysy kelgenine qaramastan, Janna ónerdi tańdaǵan.
Ayree
Ayree esimimen tanylǵan Áigerim Raqyshevanyń ata-anasy da óner adamdary. Soǵan qaramastan, olar qyzynyń estrada ánshisi bolýyn qoldai qoimaǵan. Dombyra mamandyǵy boiynsha oqýyn jalǵastyryp, keiin sabaq bergenin qalaǵan.
Ánshiniń aitýynsha, ata-anasy onyń minezi jumsaq bolǵandyqtan, óner ortasyndaǵy qiyndyqtarǵa tóze almaidy dep alańdaǵan. Áigerim óz tańdaýynan bas tartpai, estradalyq vokalǵa oqýǵa túskenin “Vremia” gazetine bergen suhbatynda baiandaǵan.
