بٷگٸندە كٶپشٸلٸككە تانىلعان كەي ەنشٸنٸڭ ٶنەر جولىن تاڭداۋىنا كەزٸندە اتا-اناسى قارسى بولعان. بٸرٸنٸڭ ەكەسٸ ينجەنەر بولۋىن قالاسا, ەندٸ بٸرٸنٸڭ وتباسى ۇستازدىققا بارۋعا كەڭەس بەرگەن, دەپ حابارلايدى ult.kz.

ەرنار ايدار

ەرنار ايدار بالا كەزٸنەن ٷلكەن ساحنادا ەن ايتۋدى ارمانداعان. الايدا ەكەسٸ ونىڭ ٶنەرگە كەلۋٸن باستاپقىدا قۇپتاماعان. ەنشٸ اۋىلدا جٷرگەندە ٷيدەگٸلەردٸڭ قىزىعۋشىلىعىن تٷسٸنە بەرمەگەنٸن, تٸپتٸ قورادا ەن شىرقايتىنىن ەسكە العان.

“ەكەم ٶنەرگە كەلۋٸمە قارسى بولدى. بٸراق اتا-انام ٶز باتاسىن بەردٸ”, — دەگەن ول Qazaqstan ارناسىنداعى سۇحباتىندا. 

روزا ەلقوجا

روزا ەلقوجانىڭ دا اتا-اناسى قىزىنىڭ باسقا ماماندىق تاڭداعانىن قالاعان. ەنشٸ ەلەۋمەتتٸك جەلٸدەگٸ جازباسىندا ساحناعا دەيٸنگٸ جولىنىڭ وڭاي بولماعانىن ايتقان.

“مەن ٶنەرگە وڭاي كەلگەن جوقپىن. ٶيتكەنٸ اتا-انام قارسى بولدى, باسقا سالاعا بارۋىمدى سۇرادى”, — دەپ جازعان ٶنەر يەسٸ.

سوعان قاراماستان, ستۋدەنت كەزٸنەن ەن ايتىپ, كەيٸن اۆتورلىق ەندەرٸمەن تىڭدارمانعا تانىلدى. 

تامارا اسار

تامارا اساردىڭ اتا-اناسى مۇعالٸم بولعان. ولار قىزىنىڭ ەرتٸس بولعانىنان گٶرٸ, مۋزىكا پەنٸنەن ساباق بەرگەنٸن جٶن كٶرگەن.

ەنشٸ Caravan باسىلىمىنا بەرگەن سۇحباتىندا ەسترادالىق ستۋديياعا اتا-اناسىنا بٸلدٸرمەي تٷسكەنٸن ايتقان. كەيٸن پەداگوگيكالىق ينستيتۋتتىڭ مۋزىكا فاكۋلتەتٸندە بٸلٸم الىپ, ستۋدەنت كەزٸندە “ايگٷل” انسامبلٸندە ەن شىرقاعان.

جاننا ورىنباساروۆا

جاننا ورىنباساروۆانىڭ ەكەسٸ قىزىنىڭ ٶز جولىن قۋىپ, ينجەنەر بولعانىن قالاعان. سوندىقتان ونىڭ ساحناعا شىعۋ نيەتٸنە قارسى بولعان.

“ەرتٸس بولامىن دەگەن كەزدە, ەرينە مەنٸڭ ەكەم قارسى بولعان”, — دەگەن ەنشٸ نتك ارناسىنا بەرگەن سۇحباتىندا.
 

ەكەسٸنٸڭ قۇرىلىس سالاسىنا باعىتتاعىسى كەلگەنٸنە قاراماستان, جاننا ٶنەردٸ تاڭداعان. 

Ayree

Ayree ەسٸمٸمەن تانىلعان ەيگەرٸم راقىشەۆانىڭ اتا-اناسى دا ٶنەر ادامدارى. سوعان قاراماستان, ولار قىزىنىڭ ەسترادا ەنشٸسٸ بولۋىن قولداي قويماعان. دومبىرا ماماندىعى بويىنشا وقۋىن جالعاستىرىپ, كەيٸن ساباق بەرگەنٸن قالاعان.

ەنشٸنٸڭ ايتۋىنشا, اتا-اناسى ونىڭ مٸنەزٸ جۇمساق بولعاندىقتان, ٶنەر ورتاسىنداعى قيىندىقتارعا تٶزە المايدى دەپ الاڭداعان. ەيگەرٸم ٶز تاڭداۋىنان باس تارتپاي, ەسترادالىق ۆوكالعا وقۋعا تٷسكەنٸن “ۆرەميا” گازەتٸنە بەرگەن سۇحباتىندا بايانداعان.