Akter Oljas Abai jýrnalist Aman Tasyǵanǵa bergen suhbatynda aktrisa Dariǵa Badyqovamen qarym-qatynasy týraly sóz qozǵady. Óner iesi jeke ómirine qatysty áńgimelerge toqtalyp, óz ustanymyn jetkizdi, dep habarlaidy ult.kz.
Oljastyń aitýynsha, ol eshkimniń otbasyn buzyp, bireýdiń áielin tartyp almaǵan. Akter Dariǵamen aradaǵy qarym-qatynasynda ár nárseniń óz ýaqytymen bolǵanyn atap ótti.
Suhbat barysynda akter ekinshi nekesi men birinshi nekesinen týǵan balalary týraly da aitty. Onyń sózinshe, qaita shańyraq kótergenimen, balalarynyń aldyndaǵy ákelik mindetin atqaryp júr.
Oljas birinshi nekesindegi perzentterine qatysty jaýapkershiligi saqtalǵanyn jetkizdi. Akterdiń aitýynsha, ol balalarynyń ómirine aralasyp, ákelik paryzyn óteýdi jalǵastyryp keledi.
Aita keteiik, Oljas Abaidyń Dariǵa týraly sózi jurtty shýlatty.
Oljas Abai kim?
Oljas Abai — qazaqstandyq akter ári ánshi. 1991 jyly dúniege kelgen. Taldyqorǵan óńiriniń týmasy. Temirbek Júrgenov atyndaǵy Qazaq ulttyq óner akademiiasynda drama teatry jáne kino akteri mamandyǵy boiynsha bilim alǵan. Oqýyn aiaqtaǵannan keiin Ǵabit Músirepov atyndaǵy balalar men jasóspirimder teatrynda eńbek etken.
Kórermenge “Qara shańyraq”, “Báseke”, “Áýlet” sekildi otandyq jobalardaǵy rólderi arqyly tanys. Akterlikpen qatar ánshilikpen de ainalysady.
