قازاقستان رەسپۋبليكاسىنىڭ كونستيتۋتسييالىق سوتى تەربيە بەرۋ فۋنكتسييالارىن اتقاراتىن جۇمىسكەردٸ «مورالعا جات قىلىق» جاساعانى ٷشٸن جۇمىستان بوساتۋعا مٷمكٸندٸك بەرەتٸن ەڭبەك كودەكسٸنٸڭ نورماسىن كونستيتۋتسيياعا سەيكەستٸگٸ تۇرعىسىنان قارادى, دەپ حابارلايدى ult.kz.
ٸسكە مەكتەپتە پەداگوگيكالىق ەدەپ جٶنٸندەگٸ كەڭەستٸڭ شەشٸمٸ نەگٸزٸندە جۇمىستان بوساتىلعان ازاماتتىڭ ٶتٸنٸشٸ سەبەپ بولعان. ول قابىلدانعان شەشٸممەن كەلٸسپەي, الدىمەن كەلٸسۋ كوميسسيياسىنا, كەيٸن سوتتارعا جٷگٸنگەن. الايدا ٸس بويىنشا شىعارىلعان سوت اكتٸلەرٸ ٶزگەرٸسسٸز قالدىرىلعان.
ٶتٸنٸش بەرۋشٸ ەڭبەك كودەكسٸنٸڭ 52-بابى 1-تارماعىنىڭ 14) تارماقشاسىندا كٶزدەلگەن «مورالعا جات قىلىق» ۇعىمىنىڭ ناقتى قۇقىقتىق بەلگٸلەرٸ مەن وبەكتيۆتٸ ٶلشەمشارتتارى جوق دەپ ەسەپتەيدٸ. ونىڭ پٸكٸرٸنشە, بۇل نورمانى ەرتٷرلٸ تٷسٸندٸرۋگە جەنە كەڭٸنەن قولدانۋعا مٷمكٸندٸك بەرەدٸ. سونىڭ سالدارىنان ەڭبەك ەتۋ جەنە سوت ارقىلى قورعالۋ قۇقىقتارى بۇزىلۋى مٷمكٸن.
كونستيتۋتسييالىق سوت ٶز تٷسٸندٸرمەسٸندە زاڭنامادا ادامگەرشٸلٸك قاعيداتتارىنا قاتىستى نورماتيۆتٸك تالاپتار بەلگٸلەنگەنٸن اتاپ ٶتتٸ. اتاپ ايتقاندا, پەداگوگيكالىق ەدەپكە قويىلاتىن ارنايى تالاپتار مەن ولاردى بۇزعانى ٷشٸن جاۋاپتىلىق كٶزدەلگەن.
سوتتىڭ پٸكٸرٸنشە, «مورالعا جات قىلىق» – باعالاۋ سيپاتىنداعى قۇقىقتىق ۇعىم. سوندىقتان ونىڭ مازمۇنىن بارلىق ىقتيمال ەرەكەتتەردٸڭ تٷپكٸلٸكتٸ تٸزٸمٸ ارقىلى تولىق ايقىنداۋ مٷمكٸن ەمەس. مۇنداي جاعدايلاردى باعالاۋ كەزٸندە ناقتى ٸستٸڭ مەن-جايلارى, سونداي-اق ەلەۋمەتتٸك, مەدەني جەنە كەسٸبي ەرەكشەلٸكتەر ەسكەرٸلۋٸ قاجەت.
وسىعان بايلانىستى كونستيتۋتسييالىق سوت اتالعان ۇعىمنىڭ ناقتى جاعدايلاردى ەسكەرە وتىرىپ قولدانۋعا مٷمكٸندٸك بەرەتٸن جەتكٸلٸكتٸ نورماتيۆتٸك ايقىندىققا يە دەگەن قورىتىندىعا كەلدٸ. سونىمەن بٸرگە ٶتٸنٸش بەرۋشٸنٸڭ كەلٸسۋ كوميسسيياسى مەن سوتتارعا جٷگٸنۋ ارقىلى ٶز قۇقىقتارىن قورعاۋدىڭ زاڭدا بەلگٸلەنگەن تەتٸكتەرٸن پايدالانعانىن اتاپ ٶتتٸ.
.jpg)